Kryeministrit Edi Rama nuk i mjaftoi një konferencë 1 orë e gjatë për t’i thënë të gjitha për uljen me 1 lek të çmimit të energjisë elektrike. Kur shkoi në zyrë shkoi mes komenteve në faqen e tij në Facebook edhe një koment që kishte shpëtuar dhe që e akuzonte për propagandë pasi çmimi i energjisë është ulur në gjithë botën dhe se ai po e bënte gjithçka për shkak të zgjedhjeve.
Edhe pse ka premtuar që nuk do t’u përgjigjet më komenteve në Facebook, e bëri sërish.
Rama ia kthen komentuesit se këtë vendim nuk e ka bërë as kur ka “pasur të tjerë në prehër”, (duke nënkuptuar koalicionin me LSI-në) ndërsa këmbëngul se nuk ka asnjë rast kur një masë pozitive është marrë para zgjedhjeve dhe më pas të jetë anuluar.
“E para ne nuk e kemi ngritur asnjëherë çmimin, e kemi mbajtur një dekadë resht çmimin fiks 9.5 lekë, që ishte më i ulët se çmimi që gjetëm kur erdhëm në detyrë. E dyta çmimi jo vetëm që nuk është ulur në gjithë botën, por është rritur pas agresionit rus. Kjo e jona është ulja e vetme në rajon të paktën që nga nisja e luftës në Ukrainë.
LEXO EDHE: Unaza e re/ Si po koordinohet nga Veliaj sulmi kundër Belinda Ballukut
Kush thotë që është ulje elektorale duhet të më gjejë një veprim të kësaj natyre me karakter elektoral, që të mund të kem bërë për vota kundër logjikës ekonomike financiare të vendit, ose një rast kur një masë pozitive që kemi marrë para një procesi zgjedhor, ta kemi hequr?
Nuk ka, mos kërkoni kot se nuk ka ndodhur. Dhe mos harroni dhe një gjë, kur unë nuk i kam bërë këto më parë kur kisha dhe të tjerë në prehër, do t’i bëj në prag të zgjedhjeve që do marrim fitoren e 10-të radhazi, që do ketë notën dhjetë për nga thellësia e rezultatit dhe diferenca me kundërshtarët?!
Llafet i merr era, për mua rëndësi ka fakti që që nga muaji shkurt mbi 1 milion konsumatorë familjarë do të paguajnë më pak dhe pensionistët do të një pension minimal plus nga kjo ulje e çmimit”, - u shpreh Rama. ©LAPSI.al
