Edhe këtë vit, si çdo herë tjetër, shqiptarët kanë dalë dhe kanë festuar me fishekzjarrë për të pritur ardhjen e vitit të ri. Drejtori i Përgjithshëm i Policisë së Shtetit ka inspektuar punonjësit e policisë që ishin në detyrë gjatë natës së ndërrimit të viteve dhe ka raportuar për incidentet e ndodhura.
Si pasojë e përdorimit të pakujdesshëm të fishekzjarrëve janë dëmtuar lehtë gjithsej 16 shtetas. Ata, pasi kanë marrë ndihmën mjekësore, janë larguar për në banesë. Nuk është raportuar asnjë ngjarje serioze apo konflikt.
