Ministria e Infrastrukturës dhe Energjisë ka dhënë informacion mbi situatën e akseve rrugore, për shkak të motit të keq.
Ministria bën të ditur se të gjitha akset rrugore janë të hapura, ndërsa grupet e mirëmbajtjes ndodhen në terren.
Hjithashtu këshillon drejtuesit e automjeteve që gjatë lëvizjes së tyre të jenë të pajisur me goma dimërore, të lëviznin me shpejtësi të reduktuar, si dhe të ndjekin me përpikmëri thirrjet e autoriteteve të cilat ndodhen në terren.
Njoftimi i plotë:
Gjatë ditës së sotme i gjithë territori i vendit ka qenë nën prezencën e reshjeve të dendura të dëborës dhe shiut. Grupet e mirëmbajtjes, prej orëve të para, kanë qenë dhe vijojnë të jenë në terren për të siguruar dhe garantuar vijimin e qarkullimit pa asnjë problematikë. Këshillohen drejtuesit e automjeteve që gjatë lëvizjes së tyre të jenë të pajisur me goma dimërore, të lëviznin me shpejtësi të reduktuar, si dhe të ndjekin me përpikmëri thirrjet e autoriteteve të cilat ndodhen në terren.
Reshje dëbore janë shënuar në segmentet dhe akset rrugore:
-B.Curri - Valbonë
-Ura Bujan -Qafë Morinë
-Sopot - Kam
-Sopot - Kerrnaj
-Qafe Mejdan- Shipshan
-B.Curri - Fierzë
-B.Curri - Cerrnice
-Dushaj - Lekbibaj
-Qafë Mali - Fierzë
-Kuben - Vasie
-Qafë Thore.
-Bogë - Theth, është bashkëpunuar me policinë për të ndërprerë qarkullimin në zonën e Qafë Thores, pasi si rezultat i reshjeve ka rrezik për rënie orteqesh.
-Skuraj-Peshkopi, ka pasur rënie gurësh.
Reshje shiu dhe dëbore janë regjistruar edhe në zonën e juglindjes dhe jugut.
- Steblevë
- Kapshticë dhe Qafë Thanë, ku ka pasur edhe erë të fortë
- Llogara
- Në aksin e Dardhës dhe Voskopojës
- Në Qafën e Qarrit po bie reshje shiu (borë e lagur) shoqëruar me erë.
- Valare- Erind- Çajup.
Të gjitha akset rrugore janë të hapura dhe kontraktorët ndodhen në terren ku po punohet për menaxhimin e situatës.
