Mediat greke kanë zbuluar detaje nga operacioni i policisë që një ditë më parë goditi njjë grup kriminal të përfshirë në trafik droge dhe vepra të tjera penale. Grupi drejtohej nga burgu nga Edmond Përbashka 44-vjeç, i njohur si "Mondi".
Mediat greke kanë zbardhur edhe emrat e shqiptarëve të arrestuar. Në total janë arrestuar 26 persona, përfshirë drejtuesin e grupit dhe nipin e tij. Të gjithë janë shtetas shqiptarë dhe grekë.
Ata janë Edmond Perbasha, 44 vjec nga Mirdita dhe nipi i tij Klajvert Perbasha, 20 vjec gjithashtu nga Mirdita, Mario Kojku, 20 vjec nga Lushnja, Denhendri Kasemi, 22 vjeç, Amarildo Hajderasi, 27 vjeç, Ilia Shahini, 22 vjec, Evgjenia Lumani, 23 vjeç dhe R. Plaku, 16 vjeç.
Për të arritur qëllimet e tyre, organizata kriminale vepronte në dy nëngrupe, me strukturë dhe veprim të veçantë. Nëngrupi i parë përbënte “bërthamën e fortë” të organizatës, duke ndërmarrë si trafikun e lëndëve narkotike ashtu edhe kryerjen e disa krimeve të rënda.
Në nëngrupin e dytë, anëtarët e tij ishin më të ulët në hierarki dhe ishin aktivë ekskluzivisht dhe çdo ditë në shpërndarjen e lëndëve narkotike, në zona të ndryshme të Athinës Juglindore.
Janë zbardhur edhe disa ngjarjet kriminale të grupit siç ishte sulm me zjarr në një dyqan të kujdesit shëndetësor, në nëntor 2023 në Marusi, vendosje eksplozivi në qershor 2024 në hyrje të një pallati në Peristeri, rrëmbimi dhe shkaktimi i lëndimit trupor të një personi, në gusht 2024, për borxhin e tij monetar, kërcënime ndaj oficerëve të burgjeve, në gusht 2024, vendosja e eksplozivit në gusht 2024, në një dyqan me interes shëndetësor në Argyroupoli dhe tentativa e vrasjes me armë zjarri dhe thikë ndaj dy personave, në tetor 2024 në Nea Smyrni.
Nga hetimet e kryera në kuadër të operacionit janë gjetur dhe sekuestruar rreth 155 mijë euro cash, 1 kg kokainë, 32.6 kg marijuanë, 50 pilula ekstazi, 640 gramë MDMA, 16 peshore 23 rende, 5 pistoleta dhe shtatë karikatorë pistolete, 2 armë ajrore me karikatorë, jelek antiplumb, karikator Kallashnikovi me 29 fishekë, rrip fishekësh, 17 thika, grusht hekuri, shufër metalike, 12 makina dhe 9 motoçikleta, një mori pako najloni, fishekzjarre dhe gjeneruesa tymi, anabolike, celularë dhe karta SIM, media të ndryshme të ruajtjes së të dhënave dixhitale, 3 orë dore me vlerë të lartë, laptop, 110 paund britanik, kapele policie dhe 13 bojë spray. ©LAPSI.al
