Juventus i ka sytë te golashënuesi më i mirë i Serie B. Nuk ka kaluar pa u vënë re prezenca e shpeshtë e skautëve bardhezinj në ndeshjet e Cesena në javët e fundit. Vëmendja është përqendruar te talenti i ri Kristian Shpendi. Sulmuesi i datëlindjes 2003, në sezonin e tij të parë në Serie B, po i magjeps të gjithë me performancat dhe me golat e tij. Deri tani ka shënuar 10 gola në 16 ndeshje, duke ndihmuar ekipin romanjol të ngjitet në vendin e katërt. Një arritje e jashtëzakonshme për një ekip të sapongjitur në këtë kategori.
Interesimi për Shpendin nuk mungon. Fiorentina, Napoli, disa klube angleze dhe sigurisht Juventus e kanë vënë në shënjestër talentin shqiptar. Të gjithë janë mahnitur nga aftësitë e sulmuesit, i cili sezonin e kaluar u shpall golashënuesi më i mirë në Lega Pro me 20 gola dhe 6 asistë, duke vulosur rikthimin e Cesena në Serie B.
Shpendi, Juve sposton konkurrencën
I lindur në Ankona nga prindër shqiptarë, Shpendi ka zgjedhur të përfaqësojë Shqipërinë, edhe pse në moshë të re ishte në radarët e përfaqësuesve italiane. Juventus synon të lëvizë shpejt për të mposhtur konkurrencën e fortë, por Shpendi ka nevojë të luajë për të përfunduar procesin e tij të rritjes. Vetë lojtari dëshiron të përfundojë sezonin te Cesena para se të bëjë “hapin e madh”.
Lexo më tej: Goditi me grusht portierin Rinaldi: përjashtohet për tre vjet babai i vëllezërve Shpendi
Dëmtimi në kavilje, të shtunën kundër Cosenza, nuk duhet të jetë diçka serioze dhe Shpendi është gati të rikthehet në fushë. Ndërkohë, Cesena ka marrë masa për ta mbrojtur, duke i rinovuar kontratën deri në vitin 2028. Një lëvizje e zgjuar për të pasur një pozicion më të fortë në bisedimet me klubet e interesuara.
Kolo Muani mbetet në radarin bardhezi
Në lidhje me sulmuesit, Juventus monitoron gjithashtu edhe situatën e Kolo Muani, i cili dje u përjashtua nga PSG dhe mund të largohet në janar.
