Prokurorja e Kurbinit, Ajola Prençi, është shkarkuar nga detyra nga trupi gjykues i Kolegjit të Posaçëm të Apelimit me unanimitet.
KPA la në fuqi vendimin nr. 470, datë 01.11.2021 të Komisionit të Pavarur të Kualifikimit (KPK).
Gjatë procesit të rivlerësimit të zhvilluar në Komisionin e Pavarur të Kualifikimit në vitin 2021, u konstatua një raport negativ i DSIK-së për figurën, bazuar në informacione për bashkëshortin ish-prokuror të Ajola Prençit, të dënuar për korrupsion, si dhe një balancë negative në blerjen e një apartamenti.
Ajola Prençi përfundoi studimet në Shkollën e Magjistraturës në vitin 2004 dhe për një dekadë e ushtroi funksionin në Prokurorinë e Shkodrës. Në vitin 2014, ajo u emërua në Prokurorinë e Matit, ndërsa prej vitit 2016 e ushtroi funksionin në Prokurorinë e Kurbinit.
