Një trofe te Tiffany për Botërorin e klubeve: "Simbol i inspiruar nga e kaluara"

FIFA ka zbuluar trofeun zyrtar të Kupës së Botës për Klube 2025. Projektuar nga FIFA dhe realizuar në bashkëpunim me markën globale të bizhuterive luksoze Tiffany & Co., ky trofe do t’u dorëzohet për herë të parë fituesve të turneut, i cili do të zhvillohet në Shtetet e Bashkuara nga e diela, 15 qershor, deri të dielën, 13 korrik 2025, pas finales që do të mbahet në MetLife Stadium në New York, New Jersey. “Inovativ, gjithëpërfshirës, revolucionar dhe vërtet global, Kupa e re e Botës për Klube FIFA me 32 skuadra meriton një trofe që i përfaqëson të gjitha këto - tha Presidenti i FIFA-s, Gianni Infantino. - Ai është njëkohësisht prestigjioz dhe i përjetshëm: një trofe prej ari që është simbol i së ardhmes dhe frymëzuar nga e kaluara. Skuadra që do të ngrejë këtë trofe do të ketë botën e futbollit të klubeve në duart e saj. Për lojtarët që do ta fitojnë, historia ju përket juve! Le ta çojmë atë në mbarë botën dhe ta nderojmë ndërsa presim me padurim fillimin e një epoke të re për futbollin”.

The trophy is here! ✨ Crafted in collaboration with @TiffanyAndCo, this trophy will be awarded for the first time to the winners of the inaugural #FIFACWC taking place next year. #TakeItToTheWorld pic.twitter.com/x1Wo1T1Lf4

— FIFA Club World Cup (@FIFACWC) November 14, 2024

Çfarë përfaqësojnë dieznjot

“Me një përfundim të veshur me ar 24 karatë, trofeu i Kupës së Botës për Klube FIFA përmban gravura të ndërlikuara të gdhendura me lazer në të dy anët, që tregojnë tekste dhe imazhe që pasqyrojnë historinë e pasur të futbollit. Gravurat përfshijnë një hartë të botës dhe emrat e të gjitha 211 shoqatave të lidhura me FIFA-n dhe të gjashtë konfederatave, të cilat përfaqësojnë diversitetin gjeografik dhe kulturor të këtij sporti - përshkrimi i trofeut i publikuar në faqen e FIFA-s. Disku qendror i trofeut shfaq një sërë ikonash që kapin traditat e futbollit, përfshirë simbolet e stadiumeve dhe pajisjeve dhe një hartë të botës". "Trofeu gjithashtu përmban gravura në 13 gjuhë dhe në Braille, duke theksuar më tej frymën gjithëpërfshirëse të futbollit global dhe duke siguruar që trashëgimia e turneut të jetë e arritshme për një audiencë të larmishme në mbarë botën. Ka hapësirë për të gdhendur me lazer emblemat e klubeve fituese për 24 edicione të turneut. Për më tepër, trofeu mund të shndërrohet nga një mburojë në një strukturë shumëformëshe dhe orbitale, një dizajn i përshtatshëm që krijon një strukturë të fuqishme vizuale”.

Mesazhi i gdhendur në trofeun e Tiffany

Një mesazh për kampionët është gdhendur në trofeun e Tiffany, duke përfshirë këtë: “Për ata që mbajnë këtë trofe, historia ju përket juve! Jeni dëshmitarë të një momenti në kohë që përfaqëson kulmin e futbollit të klubeve, i dhënë për pak, por i festuar nga shumë.” Këto fjalë pasqyrojnë statusin e trofeut si një simbol madhështie, që nderon legjendat e së kaluarës dhe njëkohësisht nxit klubet në mbarë globin.