Partia Demokratike ka mbledhur grupin parlamentar ku diskutohet për dy çështje kryesore, seanca plenare dhe një vendim sa i përket buxhetit 2025, projektligji për të cilën ka nisur diskutimin ditën e djeshme në komision parlamentar të “Ekonomisë”.
Gazetari Osman Stafa thotë se një nga skenarët e mundshëm është që në përfundim të mbledhjes së sotme, grupi parlamentar i PD të marrë vendimi për t’iu rikthyer normalizimit të jetës parlamentare me debate në komisione dhe seancë.
“PD mund të dalë me vendim për normalizim të marrëdhënieve me Kuvendin vetëm sa i përket diskutimeve për buxhetin. Kjo parti kërkon të bëjë oponencë ballë për ballë për këtë çështje pasi sipas tyre paratë e shqiptarëve po vidhen nga qeveria dhe oligarkët pranë tyre”, raporton Stafa.
