Një person i paidentifikuar, dyshohet se në gjendje të dehur ka thyer xhamat e një salloni bukurie në lagjen nr 2 të qytetit të Pogradecit në tentativë për të dëmtuar dhe shkatërruar ambientin. I dyshuari ka goditur me gurë drejt xhamave të subjektit e për pasojë janë thyer edhe disa pajisje të brendshme.
Salloni gjendej në katin e dytë të një pallati në qytet, teksa xhamat janë shpërndarë në trotuar, por pa shkaktuar lëndime.
Parukeria ka qenë e mbyllur ndërkohë që fill pas ngjarjes policia ka shkuar në zonë për të kryer të gjitha procedurat, ka rrethuar subjektin dhe po punon për zbardhjen e rrethanave të ngjarjes.
Mësohet se ky person është shoqëruar në polici ku pritet ti merret një dëshmi për rastin, shkaku që e kanë çuar në këtë veprim. Grupi hetimor ndodhet në vendngjarje.
