Polemika pa fund në ndeshjen Inter-Venezia, e përfunduar 1-0. Në fakt, ishin tre episode të dyshimta, që kanë tensionuar skuadrat. Në minutën e 15', Haps preku topin me dorë në një duel ajror me Dumfries, por lojtari zikaltër e shtyu në mënyrë të parregullt, duke e bërë të pavlefshme kërkesën për penallti nga kampionët e Italisë. Shtyrja është e dukshme dhe vendimi i arbitrit Ferrieri Caputi është i paqortueshëm. Në minutën e 51', u anulua një gol i Mkhitaryan, pasi aksioni kishte nisur nga një pozicion jashtë loje i Dimarco. Në minutën e 80', Taremi goditi nga afër dhe topi u devijua me dorë në vijën e portës nga Sverko.
Inter kërkoi me të drejtë penallti, por pas një rishikimi në VAR nga Marini, aksioni u shpall i pavlefshëm për shkak të një pozicioni jashtë loje të Thuram më herët. Sverko ishte protagonisti absolut në fund. Në minutën e 97', në aksionin e fundit të ndeshjes, Haps e gjeti atë në zonë, ku ai kërceu mbi Bisseck dhe shënoi golin që do të ishte i barazimit. Por, duke u mbështetur te kundërshtari, Sverko preku topin me dorë. Faull dhe gol për t’u anuluar.
DI FRANCESCO: “NUK MË DUKET E QARTË”
Trajneri i Venezias, Eusebio Di Francesco, nuk është dakord me anulimin e golit: “Nuk jam aq i bindur se prekja me dorë është aq e qartë sa thoni ju. Por do të doja të vlerësoja më shumë një arbitrim që duket se ishte në anën tjetër gjatë gjithë ndeshjes. Më vjen keq sepse ai gol do të ishte epilogu i drejtë i ndeshjes; e meritonim për atë që dhamë”.
