Gjatë periudhës 22 Shtator- 02 Tetor 2024 Datacentrum dhe Barometri – Euronews Albania ka pyetur ballë për ballë 1000 qytetarë në gjithë Shqipërinë lidhur me pëlqyeshmërinë e liderëve kryesorë politikë në vend dhe liderët e partive të reja.
Të pyetur nga Barometri Euronews – Albania lidhur me mendimin pozitiv apo negativ për liderët e partive apo lëvizjeve të reja politike, lideri me përqindjen më të lartë të mendimit pozitiv është Adriatik Lapaj me 46.2%, ndjekur nga Agron Shehaj 41.7%, Arlind Qori 31.3% dhe Endri Shabani 23.8%.
Radhitja e liderëve të rinj lidhur me mendimin negativ kryesohet nga Agron Shehaj 33.4%, ndjekur nga Endri Shabani 26.8%, Arlind Qori 24.5% dhe Adriatik Lapaj 24.4%.
Lidhur me renditjen e tyre në lidhje me nivelin e njohjes, më pak i njohur mes tyre është Endri Shabani për të cilin 42.8% e të intervistuarve përgjigjen “Nuk e njoh”, ndjekur nga Arlind Qori 36%, Adriatik Lapaj 22.8% dhe në fund Agron Shehaj 16.8%.
Të pyetur nga Barometri Euronews – Albania lidhur me mendimin pozitiv apo negativ për Arlind Qori, lideri i “Lëvizja Bashkë”, 31.3% e qytetarëve kanë mendim pozitiv, ndërsa 24.5% e tyre kanë mendim negativ për të.
Mendimi pozitiv për Arlind Qori krahasuar me muajin Maj 2024, ka një rritje prej 7.5%, ndërkohë që mendimi negativ për të krahasuar sërish me Maj 2024 është rritur gjithashtu me 0.7%.
Të pyetur lidhur me mendimin pozitiv apo negativ për Agron Shehaj, lideri i “Mundësia”, 41.7% e qytetarëve kanë mendim pozitiv, ndërsa 33.4% e tyre kanë mendim negativ për të.
Mendimi pozitiv për Agron Shehaj krahasuar me muajin Maj 2024, ka një rritje prej 11.5%, ndërkohë që mendimi negativ për të krahasuar sërish me Maj 2024 është rritur gjithashtu me 2%.
Të pyetur lidhur me mendimin pozitiv apo negativ për Adriatik Lapaj, lideri i “Shqipëria Bëhet”, 46.2% e qytetarëve kanë mendim pozitiv, ndërsa 24.2% e tyre kanë mendim negativ për të.
Mendimi pozitiv për Adriatik Lapaj krahasuar me muajin Maj 2024, ka një rritje prej 5.4%, ndërkohë që mendimi negativ për të krahasuar sërish me Maj 2024 është ulur me 2.5%. /Euronews Albania
LEXO EDHE: Del sondazhi/ Bie pëlqimi për Edi Ramën
