Gjykata e Lartë ka lënë në fuqi dënimin me 30 vite burg, i dhënë nga ish-Gjykata e Apelit Durrës për Ruzhdi Tasunin, i cili në vitin 2020 vrau gruan e tij duke e goditur disa herë me mjete të forta.
Shkalla e dytë e gjyqësorit e kishte dënuar 67 vjecarin me 30 vite, por i pandehuri bëri rekurs duke për zbutje të dënimit. Tasuni ka parashtruar në kërkesën e tij, argumentin se është penduar për krimin e rëndë dhe se nuk kishte qëllim vrasjen e bashkëshortes së tij.
Tasuni do të pretendonte se sherri me gruan ka ardhur si pasojë e borxheve që ata kishin.
Krimi në familje ndodhi brenda një dyqani, në të cilin çifti i bashkëshortëve tregtonin metrazhe.
4 vite më parë, oficerët e policisë gjyqësore kur mbërritën në vendin e ngjarjes, e gjetën qepenin e mbyllur dhe shtetasen Hajdie Tasuni të pajetë, të cilës iu konstatuan 6 goditje në kokë, që i kanë shkaktuar vdekjen e menjëhershme. Ka qenë vetë Ruzhdiu, babai i 3 fëmijëve që ka njoftuar sallën operative të policisë, pas aktit të kryer në drejtim të bashkëshortes.
