Protesta e opozitës, në të cilën ishte paralajmëruar mosbindje civile tentoi t'i vërë flakën selisë së Partisë Socialiste, të cilën protestuesit e Partisë Demokratike e sulmuan me molotovë dhe fishekzjarrë gjatë marshimit, që u thirr këtë të hënë me kërkesë kryesore qeverinë teknike.
Protesta nisi me grumbullimin e mbështetësve të thirrur nga e gjithë Shqipëria, fillimisht përballë kryeministrisë. Që në nisje të saj u tentua të ketë një përplasje me qindra forcat policore që ishin vendosur aty në pritje të qytetarëve të opozitës.
[caption id="attachment_948323" align="alignnone" width="1280"]
Flamur Noka duke u shtyrë me policët përballë kryeministrisë[/caption]
Drejt zyrës së Edi Ramës janë hedhur molotovë, ndërsa nuk munguan përleshjet me policinë.
Siç shihet nga pamjet më lart, ishin pikërisht deputetët e Partisë Demokratike, Flamur Noka dhe Gazment Bardhi që u përballën të parët me policët duke i hapur rrugën përleshjeve që pasuan. Ndërkohë dhjetëra protestues qëlluan policët me shkopa dhe pankarta.
[caption id="attachment_948316" align="alignnone" width="1280"]
Shpërthim i molotovit pas kordonit të policisë tek kryeministria[/caption]
Por kryeministria ka qenë e blinduar nga qindra forca policie, të pajisur me skafandra dhe mburojat përkatëse, ndërkohë që një pjesë e efektivëve më të specializuar ishin vendosur në tarracat e godinave përreth.
Protesta tek kryeministria nuk ka zgjatuar shumë. Pasi ndaluan aty për disa minuta grupi i deputetëve që udhëheqin protestuesit kanë lëvizur në bulevard drejt qendrës.
[caption id="attachment_948320" align="alignnone" width="2560"]
Shpërthimet e molotovit tek kryeministria gjatë protestës së opozitës[/caption]
Në heshtje, pa mbajtur asnjë fjalim apo pa asnjë thirrje për protestuesit, drejtuesit e protestës kanë nisur një marshim nga kryeministria në drejtim të qendrës. Kur kanë mbërritur tek unaza, janë kthyer drejt Shallvareve, në rrugën përballë kompleksit Tajvan.
[caption id="attachment_948330" align="alignnone" width="1280"]
Gazment Bardhi, Flamur Noka, Albana Vokshi ne krye te protestës[/caption]
Me marshimin e mijëra qytetarëve në qendër të Tiranës, qarkullimi i makinave është bllokuar tërësisht. Edhe aksi i unazës që zakonisht lihet i lirë në rastet e protestave është bllokuar, ndërkohë që protestuesit kanë ndezur në flakë kazanët e mbeturinave apo stacionet e autobuzëve.
[caption id="attachment_948335" align="alignnone" width="1280"]
Flakë në kazanet e mbeturinave[/caption]
[caption id="attachment_948338" align="alignnone" width="1280"]
Stacioni i autobusëve në flakë[/caption]
Marshimin drejt qendrës, protestuesit e kanë ndalur tek selia e Partisë Socialiste. Kjo nuk është hera e parë që protesta e opozitës kalon në selinë e Partisë Socialiste por për herë të parë demokratët janë ndalur duke sulmuar me molotov selinë e kundërshtarëve të tyre politikë.
Kjo lëvizje e protestuesve duhet thënë se e ka kapur në befasi policinë, që kishte vendosur një numër të madh policësh në bashkinë e Tiranës. Kur demokratët kanë mbërritur në selinë e PS aty kanë gjetur vetëm pak policë. Menjëherë kanë nisur të hedhin kapsolla dhe molotovë, duke i vënë flakën banerit që ishte në selinë e PS, me fotografinë e Edi Ramës. (fotot më poshtë)
[caption id="attachment_948342" align="alignnone" width="1280"]
Flakë në selinë e PS nga shpërthimet me molotov të protestuesve[/caption]
[caption id="attachment_948345" align="alignnone" width="1280"]
Zjarr në selinë e PS pas shpërthimit me molotov[/caption]
[caption id="attachment_948348" align="alignnone" width="1280"]
Zjarr në selinë e PS pas hedhjes së molotovëve nga protestuesit e opozitës[/caption]
Flakët në selinë e PS janë shuar me ndërhyrjen e zjarrfikësve, ndërsa dhjetëra forca policie janë zhvendosur me shpejtësi për të mbrojtur godinën. Përgjatë kohës që protestuesit hodhën molotovë, deputetët e opozitës kanë qëndruar aty pranë.
Hedhja e molotovëve drejt selisë së PS dhe përpjekja për t'i vënë flakën godinës duket se ishte edhe momenti kulmor i protestës, si një akt që kishte ndodhur në Shkodër në 2020, por jo në Tiranë, ku dy partitë kryesore i kanë mbajtur larg militantët nga sulmet direkte të selive dhe përplasjeve në rrugë.
Fill pas sulmit në selinë e PS-së, protesta e opozitës është zhvendosur drejt bashkisë së Tiranës, ku qindra policë ishin në pritje të përballjes me opozitarët.
[caption id="attachment_948361" align="alignnone" width="1280"]
Flakë nga shpërthimi i molotovëve tek Bashkia e Tiranës[/caption]
[caption id="attachment_948363" align="alignnone" width="1280"]
Flakë nga shpërthimi i molotovëve tek Bashkia e Tiranës[/caption]
Pas hedhjes së disa molotovëve tek Bashkia e Tiranës, policia ka reaguar menjëherë. Nga pas radhëve të policisë janë hedhur gaz lotsjellës në sasi të konsiderueshme, ndërsa protestuesit janë përgjigjur me kapsolla apo fishekzjarre.
Ndryshe nga protestat e kaluara, lëvizja e protestuesve nuk ka pasur goditjen e një institucioni të veçantë. Turma e irrituar e njerëzve ka lëvizur në qendër të kryeqytetit duke e bërë të pamundur qarkullimin normal të makinave apo lëvizjen e çlirët të qytetarëve.
Irritimit të protestuesve që kanë hedhur kapsolla dhe molotovë i është përgjigjur menjëherë policia që nuk e ka kursyer gazin lotsjellës, pavarësisht lëvizjes së shumë qytetarëve në qendër të kryeqyetit. Protestuesit kanë hedhur molotovë edhe tek ministria e brendshme, edhe tek një nga kullat e ngritur me kate të paligjshme në qendër dhe në fund janë ndalur tek parlamenti.
[caption id="attachment_948366" align="alignnone" width="1280"]
Shpërthim molotovi përballë Ministrisë së Brendshme[/caption]
[caption id="attachment_948367" align="alignnone" width="1280"]
Flakë tek Ministria e Brendshme gjatë protestës së opozitës[/caption]
[caption id="attachment_948369" align="alignnone" width="1600"]
Gaz lotjsellës në rrugën përballë parlamentit[/caption]
[caption id="attachment_948370" align="alignnone" width="1280"]
Deputetët e opozitës përballë parlamentit bashkë me protestuesit e opozitës[/caption]
