Miqësorja e fundit e Inter jashtë Italisë u zhvillua të dielën pasdite para debutimit të tyre në kampionat, të planifikuar për në fundjavë me fillimin e Serie A. Zikaltrit ishin mysafirë të Chelsea në Londër dhe ndeshja përfundoi në barazim 1-1. Por ndeshja nuk ishte tamam “miqësore” nisur nga dëshira e shfaqur nga spanjolli Cucurella, që luan për Blues. Ja çfarë ndodhi.
FAULLET E SHUMTA TË CUCURELLA, TËRBUAN BARELLA
Miqësore në emërtim, por ndonjëherë nuk është fare e tillë. Në këtë pre-sezon kemi qenë dëshmitarë të sherreve të ndryshme që shpërthejnë në ndeshje që nuk kishin asnjë rëndësi. Madje edhe lojtarë tepër të vrullshëm që rrezikonin të lëndonin kundërshtarët e tyre. Episode të ngjashme kanë ndodhur edhe në Chelsea-Inter me protagonist kampionin e Europës Cucurella. Mbrojtësi spanjoll bëri dy ndërhyrje të rrezikshme, fillimisht ndaj Dumfries dhe më pas ndaj Darmian.
Lexo më tej: Cucurella e premtimi i çmendur: "Nëse fitojmë? Flokët të kuq"
Ai që nuk na pa më nga sytë pas këtyre ndërhyrjeve ishte Nicolò Barella. Mesfushori i Inter shkoi me egërsi te Cucurella për të kërkuar shpjegime. Mbrojtësi i Chelsea pretendoi se asgjë nuk ndodhi, sikur të ishin ndërhyrje normale. Për mesfushorin italian pati nervozizëm dhe shqetësim për gjendjen fizike të shokëve të skuadrës. Gjithçka është filmuar nga kamerat e DAZN.
