Kandidati i opozitës për Bashkinë e Himarës, Petro Gjikuria, ka folur për mediat, pas përfundimit të orarit zyrtar zgjedhor. Ai tha se falënderon himarjotët që e kanë mbështetur, duke thënë se do ta çojë programin deri në fund. Ai shprehu bindjen se do të jetë kryetari i ardhshëm i bashkisë.
“Dua të falënderoj të gjithë himarjotët që më mbështetën. I falënderoj nga zemra. Falënderoj të gjitha partitë opozitare që më mbështetën në këtë fushë, stafin, që bënë një punë tepër të mirë.
Himarjotët folën dhe na ka ngelur të shohim vullnetin e tyre. Do ta çojmë programin tonë deri në fund. Himarjotët nuk do ulin kokën, pavarësisht presioneve. Do shikohen shkeljet që janë bërë dhe është punë e KQZ.
Unë do pranoj verdiktin që kanë dhënë himarjotët. Presione ka pasur, pasi ministra e deputetë të maxhorancës kanë qenë këtu. Qëllimi kryesor i imi është të punoj për himarjotët. Unë jam fitues i garës. Nëse fitoj dhe nëse kandidati tjetër dëshiron të punojë me mua është i mirëpritur.
Edhe në SHBA jam marrë me fushata të ndryshme. Atje punoja për të tjerët, këtu punoja për veten time. Opozita pa diskutim ka punuar për mua, jam i kënaqur për mbështetjen" – tha Gjikuria. ©LAPSI.al
