Ne duam të luajmë mirë, por mbi të gjitha të jemi efektivë”. Kështu është shprehur Luis de la Fuente, trajneri i Spanjës, në prag të gjysmëfinales së Euro 2024 kundër Francës. "Për mua, ekipi im është më i miri, por para nesh kemi një ekip të madh që është po aq i mirë. Unë mendoj se skuadra ime është më e mira edhe nëse na eliminojnë. Franca? Unë analizoj potencialin e ekipit dhe ka potencial të jashtëzakonshëm”, tha ai.
"Po rikuperohemi mirë por ka vetëm pak ditë, është i njëjti problem për të gjithë. Të shohim si do të jemi nesër, motivimi të ndihmon të kapërcesh çdo fatkeqësi. Jemi të përgatitur për ndeshjen. Fizikisht Franca është një nga më të fortat. Ne i njohim lojtarët dhe dimë si të sillemi me ta,” shpjegoi tekniku i Spanjës.
De La Fuente vazhdoi pastaj të analizojë evolucionin që ka patur Spanja në vitin e fundit: "Ne jemi një ekip i ri, me një trajner të ndryshëm dhe me ide të ndryshme. Ne e kemi të qartë rrugëtimin dhe stilin e ndryshëm që donim të zbatonim. Ne donim t'i jepnim një kthesë të vogël duke përfshirë lojtarë me rekorde të ndryshme. Vizioni nuk është as më i mirë dhe as më i keq".
SHQETËSIMI MBAPPE
A është Nico Williams më i mirë se Mbappé në këtë moment është ngacmimi që i është bërë teknikut De La Fuente: "Ata janë dy lojtarë të mëdhenj. Mbappé është i jashtëzakonshëm, por lojtarët e mi janë më të mirët. Ne kemi një lëndë të parë që të lejon të luash në një mënyrë të caktuar. Ne përpiqemi të maksimizojmë potencialin e skuadrës sonë. Ne kemi lojtarë shumë të shpejtë me aftësi të luajmë një kundër një dhe kjo na sjell më afër shënimit”.
Lexo më tej: Deschamps, elozhe Spanjës e injorim kritikave: "Ndeshje të mërzitshme? Shihni gjë tjetër"
Ka shënuar vetëm një gol me penallti, por sërisht tekniku i Spanjës i trembet mundësinë që Mbappé të kthehet në nivelin e tij: "Këta lojtarë janë të paparashikueshëm. Niveli i tyre, edhe kur është 50%, mund të jetë 100% i atij të kujtdo tjetër. Ata mund të përballojnë luksin që të mos marrin pjesë në ndeshje dhe ta vendosin atë me dy veprime. Mbappé është një super gjeni, ashtu si lojtarët e tjerë francezë. Kam besim të verbër te ekipi im për një ndeshje shumë të vështirë që mund të ishte një finale".
FINALJA
Mundësia e kualifikimit? "Ne nuk e dimë. Ne jemi një ekip i përgatitur për të kontrolluar dhe dominuar lojën, edhe pse kundërsulmojmë shumë mirë. Franca luan shumë mirë pa top dhe është në gjendje të përfitojë nga hapësirat që u lënë kundërshtarët e saj. Duhet të jemi shumë të kujdesshëm në humbjen e topit, mund të jetë çelësi i lojës”.
