Kush do ta fitojë Kampionatin Evropian? Nëpërmjet përdorimit të kryqëzimit të të dhënave dhe statistikave të avancuara, Opta Analyst është përpjekur t'i përgjigjet pyetjes që të gjithë entuziastët i bëjnë vetes. E sipas superkompjuterit do të jetë një garë dyshe mes Anglisë (19.9%) dhe Francës (19.2%). Gjermania, favoritja e tretë, është më e spostuar, me 12.6% shanse për fitore përfundimtare, e ndjekur nga Spanja dhe Portugalia. Po kampionët e Europës në grupin e Shqipërisë? Italia është e shtata në grupin e favoritëve dhe kanë 5% shanse për të ngritur trofeun në Berlin. Nuk duhet të ketë probleme me kalimin në grup (probabiliteti 80%), ndërsa ecuria e Spalletti duhet të përfundojë në çerekfinale. Shqipëria sipas OptaAnalyst nuk e kalon grupin.
ANGLIA E FRANCA FAVORITET
Kombëtarja e Gareth Southgate është superfavoritja për të fituar kampionatin e parë evropian në historinë e saj. Pas anglezëve qëndron ekipi i Didier Deschamps, për të cilin do të ishte titulli i tretë kontinental pas atyre të viteve 1984 dhe 2000. Për më tepër, të dyja kanë mbi 30% shanse për të arritur në finale. Të tjerët? Në vendin e tretë është Gjermania mikpritëse me 12.6% shanse për të triumfuar në Berlin, ndërsa të gjitha të tjerat janë nën 10%.
PO SHQIPËRIA?
Sipas algoritmit, skuadra e Spallettit nuk ka shumë shanse të përsërisë suksesin e Wembley të tre viteve më parë. Italia është vetëm e shtata në renditjen e favoritëve, me një shans 5% për t'u përsëritur. Sipas algoritmit, rruga e Italisë do të jetë e shkurtër: shanset për të kaluar grupin me Spanjën, Kroacinë dhe Shqipërinë janë të larta (80%), por pak më pak se një në dy mundësi për të arritur në çerekfinale. Përqindjen më të lartë për të kaluar grupin B bashkë me kampionët në fuqi të Europës e kanë spanjollët, me Kroacinë e Shqipërisë me pak të kuotuar. Kuqezinjtë sipas superkompjuterit kanë shanset më të mëdha për tu renditur të fundit.
Por kujdes: përpara edicionit të fundit Opta i dha Italisë së trajnerit të atëhershëm Mancini vetëm 7.6% shanse për të triumfuar në Wembley. E më pas të gjithë e mbajmë mend mirë se si përfundoi...
