Londra është kryeqyteti i marrëveshjeve të mëdha sekrete dhe aty mund të ketë lindur një partneritet i ri sensacional, që të ndryshojë rrjedhën e Formula 1. Ky është rasti i lamtumirës së Adrian Newey me Red Bull, e zyrtarizuar afër fundjavës në Majemi. Menjëherë më pas erdhi inkursioni britanik i Fedric Vasseur për ta marrë inxhinierin gjenial te Ferrari.
Dihet prej disa kohësh që gjërat janë të trazuara te Red Bull dhe se projektuesi më i suksesshëm në historinë e automobilizmit synon të largohet një vit më herët se kontrata aktuale me ekipin anglo-austriak. "Horner Gate" dhe "tërhiq e mos këput" të vazhdueshme nga Max Verstappen, i nxitur nga babai i tij Jos, e shtynë inxhinierin britanik të vendoste të largohej nga Milton Keynes, me destinacionin e mundshëm Maranello.
NJOFTIMI I RED BULL
"Oracle Red Bull Racing njofton sot se Adrian Newey do të largohet nga Red Bull Technology Group në tremujorin e parë të 2025 - njoftoi ekipi në një njoftim për shtyp -. Gjeniu i inxhinierisë do të tërhiqet nga detyrat e dizajnit të Formula 1 për t'u fokusuar në zhvillimin final dhe në dërgimin e hipermakinës së parë të Red Bull, RB17 i shumëpritur. Ai do të mbetet i përfshirë dhe i përkushtuar ndaj këtij projekti emocionues deri në fund të marrëdhënies së bashkëpunimit.
Maranello mund të jetë destinacioni i ri në orët e fundit kur, sipas asaj që raportohet nga La Gazzetta dello Sport, Vasseur është kthyer drejt Britanisë së Madhe në vend që të fluturonte në Miami me ekipin për të mbyllur marrëveshjen. Me pak fjalë, gjithçka e bërë, veçanërisht në dritën e njoftimit zyrtar të divorcit që mbërriti në ditën e tridhjetë vjetorit të vdekjes së Ayrton Senna. Nisur nga afërsia mes lajmeve dhe takimit me drejtorin e ekipit të kuq, në këtë moment topi i kalon Ferrarit, i cili do të vendosë se kur do të shpallë bashkëpunimin e ri, duke i dhënë kështu jetë epokës së Newey.
