Lajme jo të mira nga grumbullimi i kombëtares, për dy miqësoret kundër Kilit dhe Suedisë. Myrto Uzuni nuk ia ka dalë të rikuperohet dhe do të kthehet në shtëpi. Inflamacioni i kaviljes, për të cilën beratasi u ankua gjatë seancës së djeshme, ka rezultuar në një traumë, që nuk i lejon sulmuesi të Granadas të jetë në dispozicion të teknikut Sylvinho.
Uzuni punoi individualisht vetëm të palestër, pa patur mundësinë të dalë në fushë të martën. Sidoqoftë, kontrollet të cilave i është nënshtruar beratasi përcaktuan se 28 vjeçari do të humbasë dritaren e marsit,. që në vetëvete ësht një problem i madh. Uzuni shpresonte që të mund të tregonte më shumë para teknikut brazilianit në vigjilje të zgjedhjeve finale për Europianin e Gjermanisë.
ALTERNATIVAT E SYLVINHOS
Sidoqoftë, për ndeshjet me Kilin e Suedinë, mungesa e sulmuesit të Granadas nuk është një problem pa zgjidhje, duke parë numrin e madh të alternativave ofensive që ka Sylvinho dhe formën që po kalojnë ata. Në vijën e parë Cikalleshi, Manaj e Broja sfidohen një vend si titullar, ndërsa në të majtë, ku është aktivizuar gjithnjë Uzuni, është Seferi, Muçi, por edhe Muçollari e ardhja e re Arbër Hoxha.
Lexo më tej: Uzuni fut në ankth teknikun Sylvinho: beratasi stërvitet i diferencuar, Laçi e Aliji me grupin
Uzuni nuk është lojtari i vetëm që ka shqetësime nga të grumbulluarit e teknikut Sylvinho. Edhe Etrit Berisha është i dëmtuar, por nuk do të largohet nga grumbullimi. Gjendja e portierit të Empolit do të monitorohet dita-ditës, por ndërkohë kundër amerikano-jugorëve titullar do të jetë Strakosha.
