Pak surpriza në ndeshjet e mbrëmjes në Europa League. Milan mposhti 4-2 Slavia Pragës në ndeshjen e parë të 1/8 të Europa League, duke siguruar me shumë vuajtje ndeshjen e parë me çekët. Kuqezinjtë fituan epërsi numerike në mesin të pjesës së parë për shkak të përjashtimit direkt të Diouf (faull ndaj Pulisic). Milan zhbllokoi sfidën në minutën e 34' me një goditje të Giroud. Doudera menjëherë barazoi rezultatin për çekët, por Reijnders dhe Loftus-Cheek i kthyen sigurinë Piolit në fund të pjesës së parë. Në pjesën e dytë, Milan vuajti të gjente hapësirë, e në minutën e 65' u ndëshkua nga Schranz. Por në minutën e 85', me një nga iniciativat e pakta të Leaos, mbërriti goli i Pulisic, që e la Piolin pak më të qetë përsa i përket kthimit në 14 mars.
Lexo më tej: Video/ Roma turpëron De Zerbin, Liverpool bën pesë në shtëpinë e Laçit: Leverkusen shpëton mirë në Baku
Gjashtë gola, një karton i kuq, disa mundësi dhe vetëm një siguri: Milan në Europë nuk dëshiron të ndalet. Në San Siro përfundoi 4-2 për kuqezinjtë. Të besuarit e Piolit u larguan nga fusha me një fitore të rëndësishme në ndeshjen e parë të 1/8, por në të njëjtën kohë janë të vetëdijshëm se në Pragë, pas një jave, do të duhet Milani më i mirë për të arritur në çerekfinale. Për më tepër, Slavia Praga luajti me dhjetë lojtarë nga minuta e 25' për shkak të përjashtimit të nëntëmbëdhjetë vjeçarit Diouf, fajtor për një faull vrasës ndaj Pulisic. Tani mendja është te Empoli të dielën (15:00), përpara ndeshjes së kthimit kundër djemve të Trpisovsky.
NDESHJET E TJERA
Në ndeshjet e tjera Marseille është skuadra me një këmbë në çerekfinale. Poker i francezëve ndaj Villareal, që u shpërbë ne Velodrome. Fitore minimale por shumë e rëndësishme për Freiburg kundër West Ham, por anglezët janë në lojë për kthimin në Londër. Mbyllet në barazim 2-2 mes Benfica e Rangers. Portugezët do ta kenë të vështirë në Glasgow të përballojnë skocezët.
Round of 16 Europa League
AC Milan 4-2 Slavia Prague
Benfica 2-2 Rangers
Freiburg 1-0 West Ham United
Marseille 4-0 Villarreal
