Lapsi Video

Aplikacioni

Android iOS
Flash

E pabesueshme, Kukësi 'flak' Partizanin nga Kupa me penallti: turpërohen të kuqtë, kishin fituar ndeshjen e parë

Lapsi.al 5 March 2024
E pabesueshme, Kukësi 'flak' Partizanin nga Kupa me penallti:
Partizani eliminohet në mënyrë të bujshme nga Kupa e Shqipërisë. Kukësi triumfon në çerekfinalen e kthimit 0-1, duke e çuar ndeshjen në shtesë e më pas te penalltitë, ku veri-lindorët u treguan më të saktë. Turpërohen të kuqtë e Orges Shehit, që kishin fituar edhe ndeshjen e parë dhe luanin në shtëpi, kundër një skuadre që në 10 ditët e fundit e kishin mundur dy herë. Devolli merr fitoren e parë në pankinën e bluve, duke eliminuar ish-skuadrën e tij si lojtar. E pabesueshme ajo që ndodhi në Arenën e Demave, ku Kukësi katër ditë më parë kishte dalë i dërrmuar 3-0. E pra, edhe me avantazhin e ndeshjes së parë, Partizani është befasuar, duke humbur ndeshjen që nuk duhej. Të kuqtë ishin një nga pretendentët për trofeun, por tashmë kanë vetëm kampionatin për tu përqendruar dhe një humbje nga vendi i fundit i renditjes, që vinte nga shtatë humbje radhazi, nuk është ogur i mirë. Lexo më tej: Egnatia në gjysmëfinale të Kupës me tris: debuton me humbje Cungu, i rikthyer te Laçi Kukësi nuk ishte llogaritur nga askush hipotetikisht se mund të eliminonte Partizanin, por Devolli fitoi ndeshjen e parë që kur është ulur në pankinën blu, falë golit të shkëlqyer të Hasaj. Partizani u shty përpara me Carën, e Mba por askush nuk kaloi dot Tafas. Kukësi u mbrojt me rregull dhe shkoi edhe pranë golit të dytë me Solodovnikov në minutën e 53'. Mba provoi pa sukses edhe në fund, me ndeshjen që shkoi në shtesë e më pas me penallti. Atanaskoski ishte i vetmi që gaboi nga pika e bardhë. Ndërsa Salami i fundit që shënoi, duke mposhtur Qirkon dhe duke kualifikuar Kukësin në gjysëmfinale.

Të këshilluara

ide

Pse Rama nuk tërhiqet dot nga Zvërneci

Ndonëse kryeministri e la të hapur fatin e investimit të cilin e etiketoi si testin e parë të platformës Besa, ai nuk është i lirë ta bëjë këtë. Edi Rama e di shumë mirë, se nëse i thotë jo Kushnerit të cilin e yshti të hidhte në Zvërnec paratë e katarianëve, pasoja do të jetë shumë më e madhe se indiferanca përbuzëse që Trump demostroi ndaj atleteve të tij të bardha në samitin e NATO-s.

12:29 Andi Bushati

Një monument i shëmtuar i autoritarizmit politik

Në vend që të kujdesen për godint që kërcënojnë qytetarët estetikisht dhe fizikisht, Kryeministri dhe Bashkia e tij në Durrës rendin të hedhin miliona euro për të ndërtuar mure betoni që fshehin detin dhe shëmtojnë qytetin

10:47 Blendi Kajsiu

MOTI TIRANA

21°c

KËMBIMI EURO

92.59

aktuale

Ndiqe Lapsin edhe në

Me interes nga publiku

Pak ditë pas martesës, humbën jetën në aksident/ Tragjedia e çiftit në Manzë

Aksidenti tragjik në Manzë, ku humbën jetën çifti i sapomartuar Kleo Vrioni e Sara Brugentelli dhe 15-vjeçari Alvi Muhaxhiri, dyshohet se ndodhi pasi BMW-ja po lëvizte me rreth 114 km/orë, ndërsa drejtuesi rezultoi nën efektin e alkoolit, teksa dy pasagjerët e tjerë mbetën të plagosur, njëri në gjendje të rëndë.

14:37

Me sytë katër

SPORT

Të tjerë artikuj

PAPARAZZI