13 ndeshje pa fitore në kampionat kishte Teuta dhe midis tyre, jo shumë e largët, vetëm një fitore në Kupë, jo rastësisht ndoshta, edhe ajo kundër Skënderbeut. Këtë herë në kampionat, durrsakët siguruan një 3-0 të rëndë, që i largon provizorisht nga vendi i fundit. Në telashe tani janë korçarët që e shohin veten të përfshirë në mbijetesë, vetëm 4 pikë larg.
Në minutën e 18 të takimit Daci, që fitoi dualitetin me Faust, shënoi golin e avantazhit, duke përfituar në zonë. Bardhekuqtë e Ivan Gvozdenovic nuk ishin praktikisht në fushë. Vetëm shtylla i shpëtoi nga goli i dytë, madje në dy raste brenda të njëjtit aksion. Peposhi nga goditja e dënimit goditi shtyllën, ndërsa tentative e dumfur për të larguar topin u përplas në kokën e Gjinit e pastaj në trasversë.
Teuta e shfrytëzoi mundinë, duke parë edhe mefshtësinë e Skënderbeut dhe bëri treis në fund të pjesës së parë me dy gola në dy minuta. Dumfur shkaktoi penallti në minutën e 43’, duke i dhënë mundësinë Peposhit të dyfishonte shifrat, ndërsa ende pa shkuar në pushim, Daci kompleton trisin durrsak. Merita e gjitha e Krujës që rrëbeu një top në zonë të favorshme dhe shërbeu për qendërsulmuesin.
Lexo më tej: Video/ Skuka shpëton Partizanin, duke anuluar avantazhin e Spahiut: Shehi e Tetova dalin të nxirë nga stadiumi
Një ndeshje që u zgjidh që në pjesën e parë në favor të durrsakëve, që i dhanë të drejtë teknikut Edi Martini, që priste më në fund një kthesë pas merkatos së janarit. Një përgjigje që erdhi qartë dhe fortë në fushën e lojës. Teuta administroi avantazhin e trefishtë, që e lejoi të kalonte Kukësin dhe të ngjitej me 21 pikë, vetëm 4 pikë nga zona e shpëtimit, që në fakt mbahet nga Skënderbeu në vendin e shtatë me 25 pikë.
