Në verën e kaluar, tema kryesore te Juventus ishte gjetja e një mënyre për të hequr qafe një trajner që kishte ende dy vite shumë të shtrenjta në kontratën e tij. Por, më pas, Max Allegri u bë shpëtimtari i bardhezinjve. Sezoni filloi në mënyrë brilante, skuadra prodhoi dhe e gjeti veten duke luftuar për titullin kundër klubit që arriti në finalen e Champions League. E gjitha me një qëndrim në fushë shumë më të përshtatshme për një klub të këtij niveli. E gjithçka ndryshoi.
RINOVIMI NË PLAN
Sipas Gazzetta dello sport, drejtuesit e Juventus duan të takohen me Max në pranverë për të folur për të ardhmen. Jo vetëm atë të menjëhershmen, i kuptuar si merkato e qershorit (me Calafiori, Koopmeiners dhe Sudakov në shënjestër), për të qenë në lartësinë e rikthimit të madh në Champions League, por edhe për të vlerësuar rinovimin e një kontrate që skadon në vitin 2025. Vështirë të mendosh se sezoni i ardhshëm mund të nisë me një trajner që është një hap larg fundit të marrëdhënies së tij. E pra, bardhezinjtë nuk duken të gatshëm të tentojnë një si Jurgen Klopp, që në vitin e përfundimit të kontratës së Max do të mbaronte vitin sabatik, pas tërheqjes nga Liverpool.
Lexo më tej: Video/ Allegri ndez sherrin në Pressing, Zazzaroni humb mendjen me Trevisani: "Perry Mason i motrës tënde"
Kjo është arsyeja pse do të flitet për një zgjatje, por me shifra më të ulëta se kontrata katërvjeçare e nënshkruar me mikun e tij Andrea Agnelli në vitin 2021. Çfarë do të bëjë Max? Allegri mund të vendosë të largohet, veçanërisht nëse do të fitonte një trofe këtë sezon, apo edhe të dy. Në atë moment, duke e konsideruar përvojën e tij me Juventus të mbaruar dhe duke u hakmarrë ndaj tifozëve kritikë që nuk ishin entuziastë për të, ai do të kishte mundësinë të zgjidhte se ku të fillonte përsëri.
PLANI B: ARABIA
Sigurisht që në Arabi janë gati të ndërtojnë ura të arta për të, siç u dëshmua nga super oferta saudite qershorin e kaluar. Atëherë pati një refuzim, verën e ardhshme kush e di. Sidomos tani që Mancini duket pranë lamtumirës nga kombëtarja, ka shumë gjasa që të arrijë thirrja nga federata arabe për të drejtuar sauditët. Në atë pikë, duke marrë parasysh edhe shumën që u ofrohet trajnerëve në ato anë (30 milionë neto në vit, më e larta ndonjëherë për një trajner futbolli në botë), mund të ketë një vlerësim serioz nga ana e teknikut Allegri për mundësinë e një të ardhme në Arabi.
