Bayern Munich vuan të fitojë, në javën e 19 të Bundesligës, duke mposhtur Augsburg 3-2 në derbin bavarez. Djaloshi Pavlovic, Davies dhe i zakonshmi Kane shënuan për Tuchel. Dygolëshi i Demirovic nuk mjaftoi për vendasit që humbën edhe një penallti, të pritur nga Neuer. Në ndeshjet e tjera, fitores e çmendur 5-2 e Stuttgart ndaj Leipzig, me Undav që shembi përtokë Bullen me një trigolësh të mahnitshëm. Werder Bremen mposhti Freiburg 3-1, ndërsa përfunduan në barazim 1-1 Wolfsburg-Koln dhe Hoffenheim-Heidenheim.
BAYERN, SA VUAJTJE PËR TË THYER AUGSBURG
Vazhdon ndjekja e Leverkusen për Bayern Munich, që vuajti për të mposhtur 3-2 Augsburg në derbin bavarez. Skuadra vendase e nisi shumë mirë ndeshjen. Augsburg madje fitoi një penallti pas disa minutash, por arbitri vendosi ta revokojë pas kontrollit në VAR. Skuadra e Tuchel, pas frikës, nisën të prodhojnë dhe në minutën e 23' zhbllokuan ndeshjen me të riun Pavlovic, i cili shënon 1-0. Skuadra e Tuchel vazhdoi të menaxhojë pa problem epërsinë dhe në minutën e 50', pak para bilbilit për pjesën e parë, dyfishuan epërsinë. Aksion personal i Davies, i cili me një goditje të fortë nga jashtë zonës bëri 2-0 (gabim i madh i portierit Dahmen).
Lexo më tej: Video/ Guerreiro mban me shpresë Tuchel, sherr mes Bjelica e Sané: Bayern Munich thyen Union mes tensionit
Në fillim të pjesës së dytë Augsburg ngushtoi diferencën, me kthesën e Demirovic pas krosimit të Mbabu. Megjithatë, shpresat e skuadrës së Thorup zgjatën pak minuta. Në minutën e 58' Harry Kane golin e 27 sezonal, me një prekje nga afër, duke e bërë rezultatin 3-1. Rreth minutës së 80', Bayern ishte afër pokerit, me shtyllën e goditur nga Tel. Dy minuta nga fundi vendasit rrezikuan të rihapnin situatën në mënyrë të bujshme me një penallti të akorduar për një faull të Neuer. Portieri gjerman korrigjoi gjithçka vetë duke neutralizuar goditjen nga pika e bardhë e Michel. Në minutën e 93', një tjetër penallti për Augsburg (faull i Muller) dhe kësaj radhe Demirovic nuk gaboi, duke e çuar rezultatin në 3-2. Shumë vonë për të tentuar më shumë. Bayern fitoi 3-2 dhe u ngjit në 47 pikë në renditje, ende në vendin e dytë. Shumë keqardhje për Augbsurg, i dymbëdhjeti dhe i mbërthyer në 21 pikë.
Bundesliga Germany
Augsburg 2-3 Bayern Munich
Hoffenheim 1-1 FC Heidenheim
VfB Stuttgart 5-2 RB Leipzig
Werder Bremen 3-1 Freiburg
Wolfsburg 1-1 FC Cologne
