Lapsi Video

Aplikacioni

Android iOS
Flash

Video/ 'Luftë' në derbi e Lazio në ekstazë: sherr në fund e tre të kuq, Sarri në gjysëmfinale të Kupës së Italisë

Lapsi.al 10 January 2024
Video/ 'Luftë' në derbi e Lazio në ekstazë: sherr
Lazio është skuadra e dytë që arrin në gjysmëfinale të Kupës së Italisë 2023/24. Në Olimpico, skuadra e teknikut Sarri mposhti Romën me rezultatin 1-0 dhe përgatitet të përballet në raundin tjetër me fituesin e Juventus-Frosinone. Në pjesën e parë pati shumë ekuilibër, raste të pakta dhe mbrojtje ishin protagoniste. Më pas në pjesën e dytë Huijsen pengoi Castellanos në zonë dhe Zaccagni (51') gjakftohtësisht shënoi golin nga penalltia, duke vendosur derbin. Në fund, ndërhyrja fantastike e Mandas ndaj Belotti shpëtoi rezultatin. Më pas një shtesë 11 minuta me tension të lartë me përjashtimet e Pedro, Azmoun dhe Mancini. Një tjetër sukses për Lazio, një tjetër Kupë e mallkuar e Italisë për Romën. Pas sukseseve të fundit në finalen e 2013-ës dhe gjysmëfinalen e 2017-ës, bardhekaltrit fitojnë edhe këtë çerekfinale. Tani Sarri do të luajë gjysmëfinalen kundër fituesit mes Juventus dhe Frosinone. Derbi u vendos nga një penallti e Zaccagni, pas një naiviteti të Huijsen. Sidoqoftë, me llogari të bëra Lazio e meritoi fitoren përfundimtare, të paktën për faktin se u përpoq me më shumë guxim se Roma. Lexo më tej: Brazili zgjodhi trajner, Mourinhos i mbeti vetëm Roma: Friedkin japin aprovimin për rinovimin Në fakt, klima e tensionuar ndihej edhe në tribuna që para ndeshjes Lazio-Roma. Gjatë nxemjes së dy skuadrave ka pasur shkëmbim fishekzjarresh dhe tymuesesh mes dy tifozerive. Në veçanti midis Curva Sud (me tifozë verdhekuq) dhe Tribuna Tevere (e zënë nga tifozët bardhekaltër). Skenën e ka vëzhguar edhe José Mourinho, i cili është afruar së bashku me menaxherin e ekipit verdhekuq për të kuptuar se çfarë po ndodhte mes dy sektorëve. Trajneri portugez, dukshëm i mërzitur, shkoi në tribunën Tevere dhe i ftoi tifozët të ndalonin. Sidoqoftë, nuk ka pasur nevojë për ndërhyrjen e policisë.

Të këshilluara

ide

Plaku me bastun, si antimodeli ndaj një pushteti të shurdhët

Ndarja e re teritoriale përpos problemeve të diskutueshme me pakësimin e bashkive po vërteton se kjo qeverisje e degraduar nuk ka më as vullnet as nerva për të dëgjuar qytetarët. Prandaj rruga e vetme e komunikimit me të mbetet ajo e ngritjes së shkopit

16:34 Andi Bushati

Një monument i shëmtuar i autoritarizmit politik

Në vend që të kujdesen për godint që kërcënojnë qytetarët estetikisht dhe fizikisht, Kryeministri dhe Bashkia e tij në Durrës rendin të hedhin miliona euro për të ndërtuar mure betoni që fshehin detin dhe shëmtojnë qytetin

10:47 Blendi Kajsiu

MOTI TIRANA

22°c

KËMBIMI EURO

92.53

aktuale

Ndiqe Lapsin edhe në

Me interes nga publiku

Euro kap një minimum të ri

Kursi i këmbimit Euro-Lek e ka mbyllur edhe këtë javë në rënie, duke shënuar një rekord të ri historik. Sipas kurs...

15:29

Me sytë katër

SPORT

Të tjerë artikuj

PAPARAZZI