Nëse nuk do të ishte aq serioze sa është në të vërtetë, do të ishte po aq qesharake. Ajo që po ndodh me Guelor Kanga, mesfushorin 33-vjeçar të Crvena Zvezda dhe kombëtares së Gabonit është vërtet e pabesueshme. Lojtarit, si zakonisht, iu kërkuan dokumente nga Caf, Konfederata Afrikane e Futbollit, për të vazhduar me regjistrimin e tij në Kupën e Kombeve të Afrikës.
Deri këtu asgjë e çuditshme, përveç se, me sa duket, lojtari ka një pasaportë "të diskutueshme". Në të shënohet data 1 shtator 1990 si datëlindja, por është katër vjet pas vdekjes së nënës së tij, e cila në fakt vdiq në fillim të vitit 1986.
Lexo më tej: Kapitenia e Zambias ishte burrë: përjashtohet nga Kupa e Afrikës pas dështimit në testin e verifikimit
Kaq do të mjaftonte, por sidoqoftë ka akoma më shumë. Në realitet, përveç faktit që nuk është 33 vjeç, Kanga në fakt quhet Kiaku-Kiaku Kianga dhe nuk është nga Gaboni. Ai ka lindur më 5 tetor 1985 në Kinshasa, Kongo, dhe për këtë arsye nuk mund të luante as me kombëtaren gaboneze. Një skandal i vërtetë, që për momentin mjafton për të ngritur mjaft zhurmë dhe për ta përjashtuar nga kompeticioni. Hetimet e mëtejshme tani do ta sqarojnë çështjen, por ajo që është e sigurt është se llogaritë nuk dalin.
