E 13-a, pikërisht si për të përligjur supersticiozitetin që lidhet me këtë numër e që do të nisë simbolikisht me zëvendësimin e Raphael Dwamena, të ndarë nga jeta në 11 nëntor, në fushën e Arena Egnatia. Për shkak të tragjedisë së rëndë të ndodhur në Rrogozhinë, java e 13 e kampionati nuk u luajt dhe u shty për tu rikuperuar të enjten e të premten.
Egnatia-Partizani do të jetë sfida që do të ngrejë siparin e javës në orën 13.30, duke u luajtur nga minuta e 25’, kur edhe u ndërpre, me rezultatin 1-1. Përpara takimit do të ketë edhe një ceremoni në kujtim të sulmuesit ganez 28 vjeçar Dwamena, trupi i të cilit tashmë prehet në vendin e tij. Dy skuadrat kryesuese janë me 26 pikë, por të kuqtë përvecse vijnë frikshëm me një seri prej 6 suksesesh radhazi, kanë edhe një ndeshje për të rikuperuar. Tetova nuk humbet prej 5 ndeshjesh, por tashmë nuk ka më goleadorin e tij Dwamena.
Pasditen e të enjtes, në orën 17, është radha e Dinamos, që vjen nga barazimi me Kukësin. Skuadra e Mehmetit, e pathyer me teknikun në pankinë, do të presë Erzenin në një ndeshje shumë të rëndësishme. Skuadrat ndahen nga vetëm një pikë e janë në zonat problematike të renditjes. Tirana vjen nga barazimi në Korçë dhe kundër Kukësit do të kërkojë të mos ndahet nga dyshja e kreut, madje të përfitojë nga përplasja e tyre.
SUPERIORE, JAVA E XIII
23/11/23
Egnatia 13 : 30 Partizani (25’ 1-1)
Dinamo 17 : 00 Erzeni
Tirana 20 : 00 Kukësi
24/11/23
Vllaznia 17 : 00 Laçi
Skënderbeu 17 : 00 Teuta
Lexo më tej: Partizani pret trajnerin e ri: çfarë fsheh zgjedhja e pankinës për Abilaliajn
Të premten, Vllaznia kthehet në Loro Boriçi pas rënies së rëndë në kryeqytet. Osmani e ka të qartë se duhet të fitojë me Laçin për renditjen dhe marrëdhëniet me tifozët. 13 pikët e kuqebluve nuk lejojnë alternativa, njësoj si të besuarit e Josës pavarësisht se janë të katërtët, por me vetëm dy pikë më shumë.
Po në orën 17, Skënderbeu do të presë Teutën e vendit të fundit. Për bardhekuqtë fitorja mund ti dërgojë drejt vendit të tretë, gjithnjë nëse Tirana nuk fiton të dielën me Kukësin. Luftë për kreun dhe zonën e rënies nga kategoria, në javën e 13 të Superiores. Një raund që mund t’i japë tjetër konfigurim renditjes, që për të thënë të vërtetën është shumë e ngjeshur. Mjafton të llogaritësh që zona e Final Four ndahet nga fundi me vetëm tre pikë.
