Lapsi Video

Aplikacioni

Android iOS
Flash

Dy gola në 5 minutat e fundit përmbysin Kukësin me 10 lojtarë: Tirana shpëton kur nuk e mendonte më

Lapsi.al 23 November 2023
Dy gola në 5 minutat e fundit përmbysin Kukësin me 10
Tirana drithërohet, por në fund u imponua 3-2 ndaj Kukësit, në javën e 13 të Superiores. Një ndeshje me përmbysje e kundërpërmbysje, me atë bardheblu në 5 minutat e fundit vendimtare kur Kukësi luante me 10 lojtarë. Ahmataj merr rezultatin e katër pozitiv radhazi, por këtë herë tekniku pa të kthehen në fushë edhe dy nga të dëmtuarit afatgjatë: Abdullahu në portë e Patrick në sulm. Braziliani u aktivizua në minutat e fundit, ndërsa nuk luante nga sezoni i kaluar. Në “Arena Kombëtare”, bardheblutë arrijnë të konfirmohen simotra e tretë e kryesuesve, duke u afruar tashmë -6 nga dyshja që udhëheq klasifikimin. Nuk ishte aspak e lehtë, përballë Kukësit të Nicës, edhe pse kaluan të parët në avantazh. Një supergol i Deliut, që në minutën e 15' la të kuptohej një ndeshje nën diktatin e kryeqytetasve. Por Tirana u dënua nga ish-sulmuesi i tyre Beshiraj. Goli i minutës së 53' për Kukësin u pasua nga një goditje për Nicën që mbeti me 10 lojtarë. Kartoni i kuq për Dukën nuk i pengoi blutë të përmbysnin ndeshjen me Momoh kur mbeteshin më pak se 10 minuta lojë. Lexo më tej: Një goditje në portë tre pikë, Mehmeti nuk gabon asgjë: Dinamo thyen Erzenin me 10 lojtarë Por në inferioritet e me një kundërshtar të plagosur në krenari, u bë e vështirë. Në forcingun e fundit, Tirana fundoi goditjen. Përgjoni barazoi rezultatin në minutën e 86'. E më pas Kaina Nunes markoi golin e fitores 3-2, duke shmangur një surprizë të pakëndshme.

Të këshilluara

ide

Plaku me bastun, si antimodeli ndaj një pushteti të shurdhët

Ndarja e re teritoriale përpos problemeve të diskutueshme me pakësimin e bashkive po vërteton se kjo qeverisje e degraduar nuk ka më as vullnet as nerva për të dëgjuar qytetarët. Prandaj rruga e vetme e komunikimit me të mbetet ajo e ngritjes së shkopit

16:34 Andi Bushati

Një monument i shëmtuar i autoritarizmit politik

Në vend që të kujdesen për godint që kërcënojnë qytetarët estetikisht dhe fizikisht, Kryeministri dhe Bashkia e tij në Durrës rendin të hedhin miliona euro për të ndërtuar mure betoni që fshehin detin dhe shëmtojnë qytetin

10:47 Blendi Kajsiu

MOTI TIRANA

23°c

KËMBIMI EURO

92.53

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI