Ishujt Faroe nuk janë një kundërshtar i njohur e për më tepër nuk është se fati na ka vënë përballë herë tjetër. Me përjashtim të kësaj fushate eliminatore. Shqipëria dhe Ishujt Faroe nuk e kanë parë rrugën e tyre të kryqëzohet shpesh, edhe pse për një fare kohë kanë ndarë edhe vazon në short. Kështu, precedenti i vetëm i historisë mes dy kombëtareve është ai në 20 qershor 2023.
Në atë kohë, në përballjen e parë mes tyre, shqetësimi ishte bari sintetik i fushës ku luajnë ndeshjet në shtëpi Ishujt Faroe. E megjithatë, ai 1-3 i arritur nuk la vend për dyshime apo diskutime. Avantazhi i Nedim Bajramit dhe supergoli i Kristjan Asllanit ktheu qetësinë në atë ndeshje, që u vulos nga goli i Ernest Muçit.
Lexo më tej: Video/ "E kam ëndërruar që i vogël": Bare gati për Europianin, për listën ia lë 'topin'... trajnerit
Tani është një ndeshje e re, në Arena Kombëtare, ku këtë edicion Shqipëria është e pamundur. Tre fitore, katër megjithë miqësoren me Bullgarinë në po aq ndeshje të luajtura. Kuqezinjtë tani duan të mbajnë rekordin të paprekur, duke e kthyer stadiumin e shtëpisë në një pikë force për të besuarit e teknikut brazilian Sylvinho.
