Lapsi Video

Aplikacioni

Android iOS
Flash

Pamje të rënda/ Patina i shqyen fytin gjatë ndeshjes, Adam Johnson humb jetën: spektatorët të tronditur

Lapsi.al 29 October 2023
Pamje të rënda/ Patina i shqyen fytin gjatë ndeshjes, Adam
Një tragjedi e madhe ka tronditur botën e hokejit në akull. Adam Johnson, një ish-lojtar i NHL me Pittsburgh Penguins, humbi jetën në moshën 29-vjeçare pasi patina e kundërshtarit i çau fytin. Ngjarja tronditëse ndodhi në ndeshjen e Elitës angleze mes Nottingham Panthers dhe Sheffield Steelers të shtunën në mbrëmje. 8000 shikuesit në tribunat e Utilita Arena në Sheffield dhe lojtarët e pranishëm në akull mbetën nën shok. Ndeshja u ndërpre dhe arena u evakuua. Ndërhyrja e shpejtë e punonjësve shëndetësorë nuk ka mjaftuar për të shmangur tragjedinë e madhe. Sipas disa dëshmitarëve, disa tifozë janë ndjerë të sëmurë dhe i kanë rënë të fikët. I transportuar në Spitalin e Përgjithshëm Verior në Sheffield në grahmat e fundit, Johnson u nda nga jeta në orët e para të së dielës, 29 tetor. Dinamika e tragjedisë është vërtet absurde dhe rikthen në vëmendje çështjen e sigurisë në hokej mbi akull. Johnson patinonte drejt qendrës së fushës, një kundërshtar përplaset me një lojtar tjetër dhe patina e tij, në një pozicion të panatyrshëm, pret fytin e Adam. Amerikani bie në tokë, e në të nxehtë ngrihet menjëherë, më pas shembet përtokë. Akulli bëhet i kuq nga gjaku i humbur. Shokët e skuadrës e përcjellin në stol, ndihma ishte e menjëhershme, por fatkeqësisht nuk mund të bëhej më asgjë.

KOMUNIKATA E NOTTINGHAM PANTHERS

"Nottingham Panthers janë me të vërtetë të dërrmuar për të njoftuar se Adam Johnson ka vdekur tragjikisht pas një aksidenti të frikshëm në ndeshjen e mbrëmshme në Sheffield," thuhet në deklaratën e ekipit të tij të lëshuar të dielën në mëngjes. "Panthers dëshirojnë të dërgojnë mendimet dhe ngushëllimet tona për familjen e Adam, partneres së tij dhe të gjithë miqve të tij në këtë kohë jashtëzakonisht të vështirë. Të gjithë në klub, duke përfshirë lojtarët, stafin, drejtuesit dhe pronarët, janë zemërthyer nga lajmi për vdekjen e Adam. Numri ynë 47, nuk ishte vetëm një lojtar i jashtëzakonshëm i hokejit në akull, por edhe një shok skuadre i mrekullueshëm dhe një person i jashtëzakonshëm, me gjithë jetën përpara. Do të na mungojë shumë, klubi nuk do ta harrojë kurrë. Pusho në paqe Adam”.

KUSH ISHTE ADAM JOHNSON

I lindur në Hibbing, Minesota, më 22 qershor 1994, Johnson kishte luajtur gjithashtu në NHL amerikane gjatë karrierës së tij, me Pittsburgh Penguins. Pastaj në Evropë ai ka qenë pjesë e Malmo në Suedi dhe në Gjermani me Augsburger. Në gusht ai u transferua në Nottingham Panthers në Angli.

Të këshilluara

ide

Pogradeci, si inerci e Shqipërisë së djeshme

Edi Rama po sillet sikur paqja sociale mund të rivendoset duke arrnuar modelin e vjetër të qeverisjes, ndërkohë që ata që kërkojnë dorëheqjen e tij e bëjnë këtë në emër të përmbysjes së një sistemi

19:23 Andi Bushati

Një monument i shëmtuar i autoritarizmit politik

Në vend që të kujdesen për godint që kërcënojnë qytetarët estetikisht dhe fizikisht, Kryeministri dhe Bashkia e tij në Durrës rendin të hedhin miliona euro për të ndërtuar mure betoni që fshehin detin dhe shëmtojnë qytetin

10:47 Blendi Kajsiu

MOTI TIRANA

21°c

KËMBIMI EURO

92.53

aktuale

Ndiqe Lapsin edhe në

Me interes nga publiku

Rama ndërron sërish makinën/ Një Mercedes S-Class i ri për "asketin" e kryeministrisë

Edi Rama ka treguar se si shpesh kalon 48 orë vetëm me ujë, se në 12 vite ka ngrënë në restorant rreth 30 herë me familjen dhe se fluturimet e tij private i bën në Economy Class; por në rrugë, kryeministri është shfaqur me versionin më të ri të Mercedes-Benz S-Class, një mjet që për të disatën herë ia gris imazhin e liderit “asket”, duke e sjellë të dobët përballë privilegjeve të pushtetit

17:24

Me sytë katër

SPORT

Të tjerë artikuj

PAPARAZZI