Ish-sulmuesi i Juventus, Lecce dhe Roma, Mirko Vucinic, u dënua nga gjykata e Leçes me dy vjet burg. Malazezi përfitoi një dënimi me kusht, për evazion fiskal me akuzën e deklarimeve të gënjeshtërta. Gjyqtari urdhëroi gjithashtu kompensimin e dëmit jopasuror në favor të Agjencisë së të Ardhurave, palës civile dhe konfiskimin e pasurisë së futbollistit për rreth 5.6 milionë euro. Prokurori publik i prokurorisë së Salentos kishte kërkuar 4 vite burg. Mbrojtësi i lojtarit, avokati Antonio Savoia, kishte kërkuar pafajësinë për mosekzistencën e krimit dhe bëri apelim, pasi ishin paraqitur arsyet e vendimit.
Vendimi i shkallës së parë rrjedh nga përfundimi i hetimit nga Guardia di Finanza. Pikërisht ky organ kreu sekuestrimin ekuivalent më 20 nëntor 2019. Gjatë periudhës në të cilën Vucinic ka qenë nën kontratë për katër sezone me ekipin “Al Jazira Club” të Emirateve të Bashkuara Arabe, ai është paguar 13.5 milionë euro. Sipas akuzësm ai nuk ka paguar tatim mbi të ardhurat nga viti 204 deri në 2017, ndërsa mbante ende rezidencën në Itali. Pikërisht, ky detaj e ka penalizuar malazezin që tani është në telashe.
