Raymond Domenech e ka gjithmonë përgjigjen e helmët për Italinë dhe nuk humbet asnjë rast për të goditur italianët. Aq më tepër kur çështja prek disa nga protagonistët e Botërorit 2006 si Rino Gattuso dhe Fabio Grosso. Të dy janë respektivisht trajnerët e rinj të Marseille dhe Lyon, por kanë përfunduar në shënjestër të ish-trajnerit të Francës. "Tifozët marsejezë do të jenë të lumtur që do të jenë në gjendje të promovojnë një trajner që nuk ka pasur rezultate të shkëlqyera deri më tani - deklaroi ish-menaxheri i Les Bleus në EquipeTv, duke drejtuar gishtin nga ish-trajneri i Valencias -. Fat të mbarë."
“Unë gjithmonë i mirëpres trajnerët që vijnë te ne, qofshin ata italianë apo jo. Por gjithashtu pyes veten nëse ia vlente të punësohej një francez, duke pasur parasysh rrugën e atij që është zgjedhur - shtoi Domenech duke komentuar humbjen ndaj Monaco, që erdhi vetëm pas dy ditë e gjysmë punë nga Gattuso -. Megjithatë, shpresoj që Marseille të ketë një sezon të mirë”.
Lexo më tej: Goditja me kokë e Zidane, i ndikoi karrierën Domenech: “Duhet të përjashtohesha 10 vjet për atë që i thashë arbitrit”
Por Gattuso nuk është i vetmi “italian” me të cilin ish-trajneri francez është kapur. Domenech ka vazhduar sulmin me njëfarë ironie dhe batuta helmuese, duke konfirmuar urrejtjen ndaj ish-kampionëve të Botës 2006. “Fundjavë fatkeqe për trajnerët italianë: pas Gattusos me Marseille, Grosso humbet në Reims. Por premisat për të bërë mirë janë...”, ka shkruar pas disfatës së dytë të pësuar nga ish-mbrojtësi italian në profilin e tij “X”. Domenech është edhe shefi i sindikatës së trajnerëve në Francë dhe duhet të mbrojë të gjithë kategorinë.
