"Jam i kënaqur për dy gjëra. E para që ekipi dha maksimumin, e dyta për rezultatin. Kemi shumë gjëra për të rregulluar, por sot jam i kënaqur”. Edi Martini mund të festojë tashmë, sepse Teuta që kur është kthyer ai ka marrë katër pikë në dy ndeshje. Renditja tani sigurisht është më komode, edhe pse problemet mbeten, si çështja e golit, që nuk mund të zgjidhet gjithnjë nga dinakëria e Filit, si ndodhi në Rrogozhinë: “Vuajmë në pjesën e sulmit, por këto janë për momentin mundësitë tona. Kemi shumë gjëra për të rregulluar. Por gjithsesi kur fiton në fund je i kënaqur”.
Edi Martini duket se është njeriu i gjetur për Teutën. Sa herë kthehet, tekniku shkodran arrin ti marrë më të mirën skuadrës: “Unë e kam gjetur dhe vjet kështu dhe arritëm ku arritëm. Unë jam i kënaqur me lojtarët që kam. Egnatia ka një super ekip. E kisha porositur skuadrën që ta vendosin nën presion. Normal që i druhesha të gjithëve prej tyre, jo vetëm Duamenës – analizoi Martini -. “Ekipi i Teutës është ekip në rritje. Final 4 është bërë shumë i rëndësishëm, por unë preferoj edhe Kupën e Shqipërisë. Objektivi është të shkojmë te katërshja, por mos ta lëmë pas dore Kupën”.
Lexo më tej: Video/ Fili rrëzon kryesuesit e Egnatias: triumfon 0-1 Teuta, që largohet nga zona e rënies
