E tani si do ta rregullojmë? Lajmi për hetimin për kontabilitet të rremë i hapur ndaj Aurelio de Laurentiis në kuadër të hetimeve për fitimet kapitale të Napolit dhe në veçanti blerjen e Victor Osimhen, ka nisur luftën sociale mes tifozëve. Sepse ashtu si të kaltrit pretendonin se Juventus duhet t'i hiqet kampionati 2018-2019 për të njëjtën arsye, tani janë kundërshtarët e tyre ata që sulmojnë klubin kampan. Në veçanti aktivë janë lacialët. Skuadra e presidentit Lotito, në fakt, doli e dyta vitin e kaluar pas Napolit të Spalletti. Shumë shpresojnë se do të vërtetohej përgjegjësia e klubit të AdL në Prokurorinë e Romës. Atëherë do të mbërrinte edhe një penalitet në renditje, duke dorëzuar kështu titullin te Lazio.
“Lotito do të kërkojë që titulli i Napolit të revokohet dhe të caktohet te Lazio”. “Jepini kampionatin teknikut Maurizio Sarri”. “Nëse shkelja vërtetohet, penalitet dhe titulli te Lazio”. Ky është toni me të cilin tifozët lacial komentuan lajmin e bujshëm, edhe pse mes tyre ka nga ata që shkojnë kundër rrjedhës. “Asnjë tifoz i Lazio, i denjë për këtë emër, nuk do ta konsideronte kurrë një marrëzi të tillë.”
SKENARËT E MUNDSHËM
Sepse, në fakt, asgjë nga këto nuk do të ndodhë. Në skenarin më të keq do të vendosej një dënim i mundshëm me pikë në kampionatin aktual. Sepse duhet supozuar që dënimi i mundshëm do të arrijë këtë sezon.
Lexo më tej: Mashtrim fiskal në blerjen e Osimhen: De Laurentiis nën hetim nga Prokuroria e Romës
Sigurisht, është e çuditshme që ata që më parë bënin thirrje për një dorë të fortë kundër Juventus, duke shkuar deri aty sa të apelonin në gjykatë, tani e gjejnë veten në të njëjtin pozicion si bardhezinjtë e disa muajve më parë. Edhe për këtë arsye, disa tifozë të Juventus janë ironikë. Ata vënë në dukje se pa dy pikët e humbura (ose që e bënë t'i humbiste) ndaj Salernitanës, skuadra e teknikut Allegri do të kishte përfunduar në fushë në të njëjtin kuotë pikësh me Lazio...
