Humbja e parë në kampionat për Juventus, që dështoi 4-2 ndaj Sassuolo në stadiumin Mapei. Bardhezinjtë u përgjigjën dy herë, por nuk bënë dot më shumë se kaq. Avantazhi i Laurienté erdhi minutën e 12' nga një gafë skandaloze e Szczesny. Autogoli i Viña (21') ekuilibroi situatën, përpara se Berardi (41') të bënte gjeniun. Chiesa (78') vendosi barazpeshën edhe njëherë, duke dhënë shpresëq për përmbysjen. Ndeshja, sidoqoftë, u vendos në goditjen me kokë të Pinamonti (82') dhe autogolin e bujshëm të Gatti (95'). Allegri mbetet në 10 pikë, parakalohet nga Milan dhe Lecce e tani rrezikon të përfundojë -5 pas Inter.
Lexo më tej: Vlahovic i ndryshon mendje Juventus: Ristic, menaxheri i serbit, në Torino për rinovimin e kontratës
Mund ta kalonte natën në krye të renditjes duke pritur Inter, por Juventus bën ndeshjen më të tmerrshme të sezonit. Bardhezinjtë u rrëzuan keq në Reggio Emilia, të mundur 4-2 nga Sassuolo. Humbja e parë e sezonit për Juventus, të cilët bëjnë shumë më tepër se një hap prapa në krahasim me daljet e tyre të fundit. Chiesa i zakonshëm, që vazhdon të shënojë, nuk mjaftoi për të shmangur një disfatë që erdhi pas një serie të pabesueshme gafash (Szczesny në golin e parë), përgjumjesh (Danilo në golin e Berardit dhe në atë të Pinamonti) dhe shpërqendrimet katastrofike, si autogoli i fundit i Gatti. E nesër zikaltrit, nëse fitojnë në Empoli, mund të arrastisen me një avantazh plus 5 ndaj Juves.
MJAFTON LEAO NË PËRMBYTJEN E SAN SIROS
E shtuna në Serie A hapet me fitoren e Milan, që buzëqesh sërish pas humbjes në derbi dhe barazimit 0-0 me Neëcastle në Champions League. Kuqezinjtë mundën Veronën 1-0, në një ndeshje që nisi me 25 minuta vonesë për shkak të stuhisë me breshër që zbardhi pjesërisht fushën. Ndeshja u vendos nga goli i Leaos në minutën e 8', i cili përfitoi nga rikuperimi i Giroud me një pasim vertikal dhe mposhti Montipòn me një diagonale me të majtën. Megjithatë, lajmet e këqija për teknikun Pioli nuk mungojnë. Krunic u dëmtua në pjesën e dytë. Mesfushori kuqezi mund të ketë pësuar një tendosje muskulore. Me këtë sukses, kuqezinjtë ngjiten në kuotën 12 pikë dhe i bashkohen Inter në renditje. Humbja e dytë në kampionat për Hellas.
