Asnjë hakmarrje ndaj atyre që i lanë jashtë Botërorit të fundit. Madje Maqedonia e Veriut me 1-1 e arritur në debutimin e Luciano Spalletti mund të ketë ndihmuar ta mbajë edhe jashtë Europianit. Ciro Immobile, pavarësisht golit të shënuar ndaj Maqedonisë së Veriut, u duk shumë i zhgënjyer pas ndeshjes dhe deklaroi: "Ky është një moment ku duhet të qëndrojmë të bashkuar. Kështu po na shkon. Sot pësuam një goditje dhe një gol, bëmë ndeshjen tonë pavarësisht nga fusha e keqe. Ne hymë në fushë me motivimin e duhur, është mëkat. Ne patëm disa raste, ishim të aftë t'i krijonim dhe e vendosëm veten në një pozicion për të shënuar. Ne duhet ta kompensojmë atë të martën, sepse do të jetë një ndeshje vendimtare” tha Immobile.
CRISTANTE: " E KALUARA NUK DUHET TË NA NDIKOJË"
"Jemi të zhgënjyer, të gjithë donim të fitonim. Kemi një ndeshje tjetër pas tre ditësh, duhet vetëm të përveshim mëngët. Në pjesën e parë krijuam shumë, pas golit ndaluam dhe ata barazuan. Episodet janë pjesë e futbollit. Ishte ndeshje e vështira, dhamë gjithçka. Është fillimi i rrugëtimit të ri, ne kemi një ndeshje tjetër pas tre ditësh dhe absolutisht duhet të fitojmë. Nuk duhet ta lëmë veten të zhgënjehemi nga gjërat e së shkuarës".
Lexo më tej: Video/ Muriqi një përbindësh: dy gola korigjojnë autogolin dhe kapin Zvicrën e shqiptarëve
DIMARCO: "DUHET TË REAGOJMË MENJËHERË"
"Në pjesën e parë ne kontrolluam lojën, në të dytën ndaluam së luajturi. Në këto ndeshje nevojitet shumë pak për t'i rihapur. Së fundmi kemi filluar të punojmë me konceptet e punës në krahë. Ishte e rëndësishme të fitonim dhe është turp që nuk ia dolëm. Ndihem mirë në fushë, kjo varet nga situatat e lojës. Kur ke kontrollin e ndeshjes dhe pëson gol nga goditja e vetme në portë, bie në moral. Por ne jemi Italia dhe ne duhet të reagojmë nga ndeshja e radhës”.
TONALI: "ME UKRAINËN TË JAPIM NË FUSHË GJITHÇKA KEMI"
"Nuk është ajo që shpresonim, nuk është rezultati që donim të sillnim në shtëpi. Është e drejtë që ata festojnë dhe e drejtë që ne të zhgënjehemi. Megjithatë, tani duhet të përveshim mëngët dhe të fillojmë përsëri. Duhet të punojmë dhe të japim në fushë gjithçka kundër Ukrainës. Ne patëm raste gjatë gjithë ndeshjes, i interpretuam mirë. Ata patën këtë reagim në çerekun e fundit të lojës dhe ne nuk arritëm të menaxhonim ato pak raste që pësuam. Pësuam pak, por ishte e mjaftueshme për të mos fituar”.
