Lapsi Video

Aplikacioni

Android iOS
Flash

Video/ Mancini i dhuroi fanellën e Romës një fëmije: reagimi i tij është prekës

Lapsi.al 28 July 2023
Video/ Mancini i dhuroi fanellën e Romës një fëmije: reagimi
Sytë me shkëlqim, lotët që zbresin si pika të mëdha dhe një buzëqeshje gjigante e stampuar në fytyrë. Ky është futbolli që duam, i aftë të japë emocione të vërteta. Tashmë thuhet shumë shpesh se bota e futbollit është thjesht biznes dhe një xhiro e pakufi parash. Por ndonjëherë, dëshmitarë të episodeve të tilla, na kujtohet se ka diçka tjetër në këtë sport. Një provë që e ofruan Gianluca Mancini dhe një tifoz i vogël i Romës, i cili u prek dhe shpërtheu në lot kur mbrojtësi verdhekuq i dhuroi fanellën. Shpesh fjalët nuk mjaftojnë për të përshkruar disa emocione. Me shumë gjasa është pikërisht rasti i këtij tifozi të vogël të Romës. Në fund të ndeshjes kundër Bragës, ai i thirri brazilianit Mancini, që po përshëndeste tifozët që kishin ardhur në ndeshje. Mbrojtësi pa hezituar shkoi drejt e tek ai dhe pa pasur nevojë për kërkesë, i dhuroi uniformën. Reagimi i djalit ishte i papërmbajtshëm, siç dëshmohet nga video e postuar në rrjetet sociale të Romës. Lexo më tej: Video/ Sevilla, mrekullia e 7 në Europa League vjen me penallti: Mancini 'djeg' Romën, autogol e penallti e gabuar Verdhekuqtë, si të gjitha skuadrat e tjera, kanë nisur raundin e tyre të miqësoreve verore për t'u përgatitur më mirë për Serie A, që fillon pas rreth njëzet ditësh. Roma është grumbulluar në Portugali, në Algarve. Në daljen e tyre të parë këtë sezon, ata u përballën me Bragën, një nga skuadrat më të mira në Primeira Liga. Ndeshja përfundoi në barazim, me rezultatin 1-1. Golit fillestar të El Shaaraëy iu përgjigj Bruma në fund. Por përtej rezultatit dhe paraqitjes, ajo që do të mbahet mend më shumë në këtë ndeshje do të jetë padyshim gjesti i brazilianit Mancini. Natyrisht, bashkë me të edhe reagimi i mrekullueshëm i tifozit të vogël.

Të këshilluara

ide

Protesta që e mplaku qeverisjen Rama

Kjo protestë ka nxjerrë në pah se qeverisja dhe kryeministri aktual janë vjetërsira politike që transformojnë demokracinë në sundim. Është i njëjti model i vjetër politik që privatizon pushtetin publik për interesa personale, që i reduktion partitë politike, parlamentin dhe ekzekutivin në zgjatime të vullnetit të liderit

10:41 Blendi Kajsiu

Pse ngjalli frikë fushata kundër oligarkëve të Ramës

“Revolucioni i flamingove” e tronditi mënyrën e të menduarit të shoqërisë. Sot të jesh një nga njerëzit që përfiton nga autokrati, nuk shihesh më si një burrë i nderuar, por rrezikon të bëhesh një personazh i urryer. Këtë dëshmoi vala e reagimit kundër milionerëve të oborrit të Ramës

14:15 Andi Bushati

MOTI TIRANA

34°c

KËMBIMI EURO

93.73

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI