LeBron James thyen heshtjen e tij tre ditë pas infarktit që goditi djalin e tij të madh, Bronny James. 18 vjecari po stërvitej në palestrën e Universitetit të Kalifornisë Jugore, kolegji për të cilin luan: “Dua të falënderoj njerëzit e panumërt që i dërguan familjes dashurinë e tyre dhe lutjet e tyre. E ndjejmë afërsinë tuaj dhe jemi shumë mirënjohës - ishin fjalët e yllit të Los Angeles Lakers -. Ne jemi të gjithë super. E kemi familjen tonë të bashkuar, të sigurt dhe të shëndoshë. E ndjejmë dashurinë tuaj. Do të kemi më shumë për të thënë kur të jemi gati. Por ndërkohë, doja t'u tregoja të gjithëve se sa shumë do të thotë mbështetja juaj për të gjithë ne!”.
Bronny James Jr, 18 vjeç, u rrëzua në parket gjatë një seance stërvitore me USC Trojans. Basketbollisti i ri u dërgua menjëherë në spital dhe u vendos në një njësi të kujdesit intensiv. Më pas ai u transferua në një repart rikuperimi të zakonshëme, kur gjendja e tij u konfirmua se ishte e qëndrueshme.
Lexo më tej: Shembet përtokë në palestër, infarkt gjatë stërvitjes për Bronny James, djalin e Lebron
Ndër talentet më premtues në basketbollin amerikan të kolegjit, Bronny James është përfshirë në 30 zgjedhjet më të mira në disa projeksione të Draftit të NBA-së 2024. Ky do të jetë edhe drafti i parë në të cilin ai do të mund të përzgjidhet.
