Tirana është gati, ose pothuajse gati, për një sezon të ri. Rrugëtimi bardheblu nis në mesin e korrikut me përballjen e dyfishtë kundër Dinamo Batumi në Conference League. E vijon më pas me kompeticionet kombëtare, në dy prej të cilave Tirana ka mllefet e vitit të kaluar dhe është gati për të marrë revanshin.
Sot në Ohër duhet të bashkohet me grupin edhe Erion Hoxhallari, duke i cuar në tetë blerjet në këtë dritare merkato. Tetë goditje të shkëlqyera që i kanë ndryshuar plotësisht fytyrën 26 herë kampionëve. Me ish-kapitenin, mbrojtja është blinduar me ardhjen e Micit, Dokës e Obanor. Pa harruar se çelësat e portës i janë dorëzuar Selmanit. Mesfusha ka të shtuar kualitetin e Jonuzit, ndërsa sulmi tani ka prezanton zgjedhje luksi për Shehin me ardhjen e Kaina Nunes e Latifit.
TË MBIJETUARIT E SEZONIT TË KALUARPortierë: Lika, Kiri
Mbrojtës: Najdovski, Përgjoni, Lulaj, Haxhiu
Mesfushorë: Deliu, Lushkja, Qefalija, Hila
Sulmues: Patrick, Nikqi, Hasani, Abazaj, Gjumsi
Nga Akademia: Qehaja, Tola,
Bashkë me 15 lojtarët e mbetur në organikë dhe dy të rinjtë Qehaja e Tola kompletohet 25 e të gjithë respektit për teknikun. Shehi sheh tashmë të ndryshuar 60% të formacionit me të cilin shkoi një hap larg titullit dhe kupës vitin e kaluar.
FORMACIONI I MUNDSHËMPortier: Selmani
Mbrojtja: Doka, Obanor, Hoxhallari, Mici
Mesfusha: Najdovski, Deliu, Lushkja
Sulmi: Abazaj, Hasani, Latifi
TAKTIKAT E SHEHIT
Prapavija është krejtësisht e ridizenjuar, por shumë herë më kualitative se ajo e një viti më pare. Doka, Obanor, Hoxhallari e Mici përpara Selmanit janë një linjë e pakapshme në letër. Në këtë pikë, Najdovski i bashkohet Deliut e Lushkjes, me Jonuzin e Hilën që janë më shumë se alternativa. Sulmi është i frikshëm, sepse Tirana insistoi aty ku ishin problemet më të mëdha: Abazaj, Hasani, Latifi. E nëse Këpuca e Artë merr ofertën e parefuzueshme nga jashtë, atëherë Kaina Nunes është gati.
Lexo më tej: Tirana, një kundërshtar me vlerë organike 108 milionë euro: shorti e vendos përballë gjigantit turk Besiktas
Sigurisht në pritje të kthimit nga dëmtimi i Patrick, që duhet të jetë në shtator. Praktikisht, Tirana shfaq fytyrën e re, por me objektivat e vjetra: të fitojë gjithçka.
