Wojciech Szczesny iu kthye edhe njëherë episodit të 13 prillit të kaluar, në të cilin pati frikë për jetën. Gjatë ndeshjes së Europa League kundër Sporting Lisbona, portieri polak u detyrua të largohej nga fusha për shkak të sëmundjes: "Me të vërtetë mendova se do të vdisja, ishte e frikshme. Pasi ia kalova topin një nga shokëve të skuadrës, ndjeva sikur zemra do të më shpërthente në gjoks. Gjatë një goditje këndi i thashë Milik se isha keq, por kundërshtarët e kishin goditur tashmë. Dhimbja në gjoks ishte e tmerrshme dhe ende nuk e di saktësisht edhe sot çfarë ishte. Ndoshta ndonjë problem me shpinën ose shtyllën kurrizore".
Duke folur për Canal Plus sport Poloni, portieri i Juventus foli më pas për teknikun Massimiliano Allegri: “Ne jemi miq shumë të mirë. E respektoj sepse ai është i aftë të më thotë gjëra që askush tjetër nuk do t'i thoshte. Pasi u transferova në Torino, ne kemi qenë gjithashtu miq shtëpie. Kështu që unë do të thoja se ai është një mik i madh i imi", tha Wojciech.
Së fundi, Wojciech flet për të ardhmen: "Tërheqja nga kombëtarja polake është shumë afër, tashmë po luaj më shumë se sa pritej. Do të ndalem kur të ndjej se nuk mund të jap 100% në fushë. Por do ta them vetëm kur të ndodhë, sepse për momentin nuk kam asnjë dëshirë për lamtumirë”.
