Pothuajse 12 mijë tifozë priten në Udine mbrëmjen e së enjtes për ndeshjen në transfertë të Napolit. Një pritje e shtyrë për shkak të barazimit ndaj Salernitanës në shtëpi e mungesës së fitores matematikore të titullit. Kështu, festa e të kaltërve mund të shpërthejë pas një rezultati pozitiv në Udine. Kundër Udinese në fakt do të mjaftojë edhe vetëm një barazim.
Shansi i dytë për Napolin, për të fituar matematikisht titullin. Pas pengesës së papritur me Salernitanën në shtëpi, të kaltrit mund tia dalin në Udine. Një barazim ndaj Udineses do të mjaftonte, edhe nëse Lazio do të fitonte ndaj Sassuolo. Përndryshe, në rast se bardhekaltrit nuk fitojnë, festa mund të shpëthejë që sonte. Në qytet priten 12 mijë tifozë nga të gjitha trevat e Italisë. Një pjesë e të cilëve do të jenë të pranishëm në sektorin e miqve të Dacia Arena.
Ndërkohë prefekti i Udines ka kërkuar përforcime nga sekretariati i Departamentit të Sigurisë Publike. Kështu që, në çdo rast, të ketë një forcim të mëtejshëm të mbikëqyrjes, për të garantuar sigurinë në qytet.
Nga ana tjetër, në Maradona do të vendosen 8 ekrane gjigante në anë të fushës dhe bileta për të hyrë në stadium do të kushtojë 5 euro. Një shumë simbolike për të përballuar kostot organizative, siç pranon edhe vetë De Laurentiis. Napoli po përgatitet për herë të dytë për festën që po afrohet gjithnjë e më shumë.
