Lapsi Video

Aplikacioni

Android iOS
Flash

Cristiano Ronaldo shkarkon teknikun Rudi Garcia: Al-Nassr në kaos për një sezon me zero tituj

Lapsi.al 12 April 2023
Cristiano Ronaldo shkarkon teknikun Rudi Garcia: Al-Nassr në kaos për
Trajneri i Al-Nassr, Rudi Garcia është afër shkarkimit. Raporti i tij me Cristiano Ronaldo u përkeqësua për shkak të mundësisë që klubi të përfundojë sezonin pa fituar asnjë titull. Kur Al-Nassr mirëpriti Cristiano Ronaldo në janar, pakkush do ta kishte menduar se më 12 prill skuadra saudite do të ishte jashtë kupave dhe 3 pikë pas kryesuesve, Al-Ittihad. Skuadra e trajnerit Nuno Espirito Santo, portugezi ish-Wolverhampton, mund ta dënojë CR7 të dalë duarbosh nga viti i parë në Arabi. Kjo situatë nuk i pëlqen portugezit. Ronaldo mbërriti në Arabinë Saudite me shpresën, nëse jo sigurinë, për të dominuar ligën. Në vend të kësaj, pavarësisht nga golat e tij, skuadra vuan. E tashmë tensionet janë krijuar mes dhomës së zhveshjes dhe trajnerit Rudi Garcia. Ish-trajneri i Romës në fakt është vënë në pikëpyetje nga rezultatet e fundit, jo të shkëlqyera, por as zhgënjyese. Në fakt, mbi të gjitha, mund të peshojë marrëdhënia e tensionuar me sulmuesin portugez. Sipas Marca, ajo që ndezi stuhinë rreth trajnerit ishte një përballje me dhomën e zhveshjes. Pas këtij fakti, si Cristiano Ronaldo ashtu edhe drejtuesit sauditë kanë vendosur të shkarkojnë Rudi Garcia. Në pritje të ndryshimit zyrtar në pankinë, Al-Nassr është duke vlerësuar kandidatët e ndryshëm për rolin e trajnerit. Kërkohen teknikë që të shfrytëzojnë 7 javët e fundit të kampionatit për të arritur majën. E në këtë mënyrë CR7 do të mund të marrë një trofe në vitin e tij të parë në Arabinë Saudite.

Të këshilluara

ide

Çfarë është “Shqipëria e re”?

Shteti, partia dhe pushteti janë personalizuar tek një lider i vetëm. Sot hendeku mes fasadës së propagandës rilindase dhe realitetit që jetojnë qytetarët është bërë po aq i madh sa hendeku mes propagandës komuniste dhe realitetit qytetar dje

21:40 Blendi Kajsiu

Letër e hapur njerëzve të Drejtësisë: Shtet i së drejtës apo bandë e madhe plaçkitësish

Kambanat e kësaj proteste nuk bien vetëm për Edi Ramën, ministrat, parlamentarët, qeverisësit dhe plaçkitësit e tij, ato bien edhe për gjykatesit dhe prokuroret. Pyetja që ngrihet sot nga njerëzit në proteste është: a jeni ju në shërbim të asaj drejtësie që në Kushtetutën tonë formulohet në trajten “E drejta përbën bazën dhe kufijtë e veprimtarisë së shtetit.” apo, si në kohën e Enver Hoxhës, jeni në shërbim të bandës së plaçkitësve që e shkel përditë kufirin e së drejtës?

16:24 Fatos Lubonja

MOTI TIRANA

30°c

KËMBIMI EURO

93.67

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI