Festimi i Romelu Lukaku pas barazimit me penallti, shkaktoi reagime të ndryshme. Gjesti i belgut ndezi finalen e Juventus-Inter, që pati tre kartonë të kuq. Portieri bardhezi Mattia Perin nuk e ka kapërcyer festimin e Romelu, që solli pastaj sherrin mes lojtarëve.
Pati shumë polemika pas fishkëllimës së fundit të ndeshjes dhe sherrit të shkaktuar nga festimi provokues i Lukaku drejt tifozëve të Juventus. Mes tyre është edhe ai i portierit Mattia Perin që kritikoi hapur belgun. Në intervistën pas ndeshjes, portieri i Juventus tha për Sky: “Ne duhet të jemi të parët që japim shembull. Por në këto ndeshje është e vështirë të përmbahemi. Është mungesë respekti për të festuar nën kthesën e skuadrës kundërshtare. Ndoshta nuk ia kanë thënë dhe rrëmuja shpërtheu për këtë”.
Për golin e barazimit që Interi e gjeti falë penalltisë së kthyer në gol nga belgu, Perin thotë: “Është pjesë e futbollit, duhet ta pranojmë dhe të punojmë për t'u përmirësuar. Ne kishim një fazë të mirë mbrojtëse, por mund të ishim më agresivë, ana jonë karakteriale ishte pak nënton. Dëshira për të luftuar të gjithë së bashku? Jemi të bashkuar, të gjithë vozisim në të njëjtën anë. Kjo është gjëja më e bukur që kemi zbuluar në vështirësi”.
Portieri e mbyll fjalën për paraqitjen e tij në fushë: “Unë e përgatis çdo ndeshje sikur të duhej të luaja. Duhet të jem gati për shokët e skuadrës dhe për klubin. Angazhimet e radhës? Ne do të luajmë për finalen në ndeshjen e dytë. Por së pari kemi kampionatin dhe Europa League për të përballuar, objektiva shumë të rëndësishëm. Duhet të punojmë për këto”.
@austinjuventino Mattia dovevi rispondere, non distruggerlo! ❤️ #juventus #lukaku #perin #juveinter #coppaitalia #viral #neiperte #austinjuventino ♬ Epic Music(863502) - Draganov89
