Nga grumbullimi i Clairfontaine në Francë, Didier Deschamps ka promovuar Mike Maignan si portierin titullar. Pas lamtumirës së Hugo Lloris me ekipin kombëtar, Gjelat kanë tashmë një numër 1 të ri. "Pozicioni numër 1 padyshim i shkon Mike Maignan. Hierarkia është e rëndësishme - shpjegoi trajneri francez -. Por unë do të flas për këtë edhe me të tjerët. Do të ketë hierarki për këtë ndeshje (kundër Holandës, red.). Por mund të jetë edhe ndryshe për qershorin e ardhshëm. Përvoja ndërkombëtare mund të jetë një aset i rëndësishëm”.
Një kënaqësi e madhe për Maignan, i detyruar të humbasë Botërorin në Katar për shkak të një dëmtimi në pulpë. Portieri i Milan qendroi larg fushave të lojës për pesë muaj dhe tani ëhstë gati të fitojë kohën e humbur. Më pak se një muaj pas rikthimit në fushë, kundër Atalantës më 26 prill, tashmë dyert e kombëtares janë hapur plotësisht. Portieri 27-vjeçar i Milan, i thirrur për herë të parë nga Les Bleus më 21 maj 2019, ka veshur pesë herë fanellën e Francës. Herën e fundit që Maignan ishte me Gjelat ishte 22 shtator 2022 në Ligën e Kombeve kundër Austrisë. Maignan ka mundur konkurrencën e portierit rezervë të Ëest Ham, Areola dhe mbrojtësit ekstrem të Lens, Samba.
Lexo më tej: Milan e mban jashtë se është përdorues koka.ine: Maignan thyen heshtjen e i përgjigjet akuzave
RABIOT E GIROUD NË SYTË E DESCHAMPS
Deschamps foli edhe për formën e shkëlqyer të dy lojtarëve të tjerë që luajnë në Serie A, Adrien Rabiot dhe Olivier Giroud: "Adrien kishte bërë tashmë gjëra shumë të mira edhe para Kupës së Botës. Ai erdhi me paraqitje të nivelit më të lartë. Ai mbetet i rëndësishëm si gjithmonë. Olivier është një nga këta 23 dhe do të jenë njëmbëdhjetë që do të fillojnë titullar kundër Holandës. Ka të ngjarë që çdokush të mund të luajë".
