Nerva të tensionuara në fushë e po aq të tensionuara edhe pas derbit mes kryeqytetasve Lazio e Roma. Ibanez i përjashtuar, kartonë të kuq për Cristante dhe Marusic në përleshjen pas fishkëllimës së fundit. Bashkë me ta edhe dy anëtarë të stafit (trajneri i portierëve të Romës, Nuno Santos dhe ndihmësi i Sarrit, Marco Ianni). Derbi i Romës ka vazhduar edhe në dhomat e zhveshjes, me debatin mes Claudio Lotito dhe José Mourinho. Special One kishte hyrë në dhomat e zhveshjes, i autorizuar megjithë skualifikimin, të fliste me skuadrën. Portugezi duke u larguar takoi presidentin e bardhekaltërve, i cili po përpiqej të vendoste paqen mes Mancini, Romagnoli dhe Luis Alberto.
Lexo më tej: Video/ Ngonge i përgjigjet magjisë së Pedro: një tjetër ndalesë për Lazio, Champions në rrezik
Romagnoli, duke kaluar para portës verdhekuqe foli me zë të lartë: "Tani nuk po flisni më?". “Copë m*ti”, ishte përgjigja e romanistit. Lotito u përpoq të qetësonte shpirtrat, por u bë protagonist i një sherri me Mourinho. “Çfarë ke që shikon?” i tha trajneri i Romës pronarit të klubit Lazio. Përgjigja ishte e menjëhershme: " Çfarë ke që shikon ti, unë jam presidenti i Lazio. Ti kush je? Je edhe i skualifikuar, këtu nuk futesh dot". Diskutimit iu bashkuan edhe drejtuesit e Romës, përfshirë Tiago Pinto. U ndanë për të shmangur kontaktin fizik edhe Foti, zëvendësi i Mou dhe Luis Alberto. E gjitha kjo para komisarëve të Prokurorisë Federale: do të ketë patjetër një hetim.
