Kanë kaluar dy javë nga derbi i Mole, por për Chiambretti hidhërimi i humbjes është ende i gjallë. Një 4-2 i arritur pasi Torino ishte dy herë në avantazh është i vështirë për t'u tretur. E po të shtosh pastaj edhe golin e ish-kapitenit granata Bremer, gjithçka bëhet më e ndërlikuar. E është pikërisht qëndrimi i brazilianit, tani te Juventus, ai që ka acaruar prezantuesin, një tifoz i madh i Torinos.
Në futboll ka shumë ligje të pashkruara që paraqesin me përpikmëri llogarinë. Një nga këto është ai i golit klasik të ish-it për të cilin ka shumë debate. Ka nga ata që duan që lojtari të mos brohorasë nga respekti për tifozët dhe ekipin e vjetër. E ka nga ata që duan pikërisht të kundërtën, të brohorasë për të festuar me shokët e rinj. Bremer nuk i pati këto probleme duke pasur parasysh golin e shënuar në derbi. Braziliani nuk e ndaloi festën e tij euforike me shokët e tij të Juventus.
“HARROI QË ISHTE KAPITENI YNË?“
Dy javë më vonë Chiambretti u intervistua nga DAZN ku shprehu të gjithë zhgënjimin e tij ndaj Bremer: “U largua me shumë respekt për Torinon pa pritur që të bëhej një parametër zero. Më pas në derbi festoi duke harruar se ishte granata. Nuk e prisja nga dikush si ai, ne jemi një ekip legjendar”.
