Christophe Galtier, pavarësisht fitores së fundit ndaj Lille (4-3), rrezikon gjithmonë të përfundojë i mbytur në një krizë që ka mbetur në ajër. Me pak fjalë, të dielën në Marsejë, trajneri luan sërish të ardhmen e tij në pankinën e PSG-së. Një pankinë për të cilin nuk mungojnë kandidatët. Shumë emra qarkullojnë, nga ëndrra Zidane deri tek rikthimi i bujshëm i Tuchel. Pa harruar edhe shtigjet që të çojnë te Mourinho, Conte dhe Thiago Motta.
ZIDANE SI MBULIM, TUCHEL PRET NJË NDJESË
Ëndrra për emirin dhe për tifozët francezë është Zidane që kishte refuzuar çdo ofertë deri në dhjetor. Tekniku preferoi të qëndronte i lirë për Francën. Një plan i dështuar me konfirmimin e Deschamps në krye të Les Bleus. Zizou do të ishte një goditje ideale për të mbuluar një dështim të mundshëm në Champions League. Megjithatë, Zidane do të donte garanci për autonomi sportive dhe mos ndërhyrje në menaxhimin e dhomave të zhveshjes. Të cilat sipas mediave franceze janë edhe kërkesat e Tuchel. Gjermani çuditërisht është rikthyer si kandidat, pavarësisht shkarkimit të tij në dhjetor 2020, pak muaj pasi e çoi PSG-në në finalen e parë të Champions League. Tuchel, që Champios e fituan menjëherë me Chelsean, do të kërkonte gjithashtu një ndjesë formale nga klubi.
MOURINHO PARAKALON CONTE
Së fundmi, nuk mungojnë zërat që pretendojnë ardhjen e Mourinhos. Portugezi nuk është më në harmoni të madhe me pronarët e Romës dhe që ka qenë gjithmonë i lidhur me klubin e emirit të Katarit. Mou, i vlerësuar në Doha, ka punuar tashmë me Campos në kohën e Real Madrid. Por nuk është e thënë që Drejtori Sportiv t'i rezistojë një kolapsi të mundshëm në Champions League. Pistat e tjera të çojnë te të dyshuarit e zakonshëm, përfshirë Antonio Conte. Trajneri aktual i Tottenham gëzon një reputacion si rreshteri i hekurt, që mund të bëjë punë edhe me yjet e mëdhenj që Galtier e ka të vështirë t'i menaxhojë.
