“Bombë” e zhurmshme e merkatos së futbollit, vjen nga Spanja e përfshin Dusan Vlahovic. Sipas raportimeve të AS, sulmuesi i Juventus ka përfunduar në shënjestër të Real Madrid. Në detaje, zërat për sulmuesin serb janë në vazhdën e atyre për një interesim të madh të një klubi anglez në janar. Tratativë që ka përqendruar vëmendjen mbi lojtarin. Edhe atë të Blancos, që ka lëvizur në projeksionin e verës së ardhshme.
Problemet ekonomike të Juventusit dhe sanksionet e fundit të Gjykatave sportive, po i bëjnë bardhezinjtë të vlerësojnë uljen e barrës së pagave. Pikërisht në këtë drejtim, siç raporton AS, në merkaton dimërore, drejtuesit e Juventusit negociuan shitjen e Vlahovic. Sipas të dhënave, bëhet fjalë për një skuadër të madhe të Premier League, me shumë mundësi United. Vlerësimi për serbin është mes 100 dhe 120 milionë euro. Në janar, kur diskutimet ishin gati të përfundonin dhe marrëveshja duhej të finalizohej, menaxheri i serbit bllokoi gjithçka. Kështu, transferimi i qendërsulmuesit është shtyrë për në verë, ku anglezët mund të sfidohen nga merengues.
Pikërisht kështu, sepse bllokimi ka sjellë në lojë edhe Real Madrid, shumë të interesuar për situatën e serbit. Një lëvizje që Blancos e kanë ndërmarrë duke pasur parasysh vështirësitë për të arritur te Haaland dhe Mbappe'. Dy lojtarët janë nën kontratë me Manchester City dhe PSG, jo saktësisht dy skuadra në nevojë të shesin lojtarë. Dusan Vlahovic, në fakt, është alternativa e identifikuar nga Carlo Ancelotti për të forcuar repartin ofensiv. Shumë do të varet gjithashtu nga e ardhmja e Benzema. Por Dusan është sigurisht një profil i ndjekur me vëmendje ekstreme në Madrid.
