Sirenat angleze po bien fuqishëm për Neymar. Todd Boehly, pronari i Chelsea, pasi ka paguar tashmë 500 milionë paund për të forcuar skuadrën, nuk ndalet akoma. Në shënjestrën e tij është Neymar, që ai dëshiron ta sjellë në Londër. Sipas ‘Le Parisien’, manjati amerikan është takuar me pronarin e PSG, Nasser Al-Khelaifi në Paris të martën. Në qendër të bisedimeve ka qenë një transferim i mundshëm i sulmuesit brazilian verën e ardhshme. Boehly është një admirues i madh i Neymar dhe nuk perceptoi te numri një i parizienëve një dëshirë të madhe për të mbajtur O'Ney.
Për më tepër, drejtuesit e lartë të PSG kërkojnë ‘vetëm’ 60 milionë euro. Një shifër që Chelsea nuk do të refuzonte ta hidhte në tavolinë në asnjë moment. Neymar është i lidhur me klubin e Ligue 1 me një kontratë deri në vitin 2025. Braziliani mbetet lojtari më i shtrenjtë në botë deri më sot.
Megjithatë, sipas ‘Le Parisien’, shanset e Chelsea për ta marrë brazilianin mund të varen nga Lionel Messi. Marrëveshja e argjentinasit skadon këtë verë dhe nuk është e sigurt që ai do të rinovojë kontratën me PSG-në. Megjithatë, nëse qëndron, klubi parizien do të ishte i gatshëm ta transferonte Neymar atë për një shifër të konsiderueshme, me Chelsea gati për marrëveshjen.
