Premier League ka thyer çdo rekord të shpenzimeve në tregun e transferimeve dimërore që sapo ka përfunduar. Kampionati anglez i ka lënë pas dore të gjitha kampionatet e tjera të mëdha. Marrëveshja e Enzo Fernandez, e mbyllur në ekstrem nga Chelsea, e çoi shumën totale të investuar nga klubet angleze në 922 milionë euro. Vetëm në ditën e fundit, englezet shpenzuan 275 milionë, ndërsa totali është çmenduri. Për sezonin 2022/23, edhe merkato verore, shifra arrin në 3.17 miliardë euro. Vetëm Chelsea shpenzoi më shumë në janar - rreth 326 milionë euro - sesa totali i kombinuar i të gjitha klubeve në Bundesligë, La Liga, Serie A dhe Ligue 1.
Sipas shifrave të publikuara nga BBC nga burime të Deloitte, situata është e qartë. Shuma e investuar vetëm ditën e djeshme është 83% më e lartë se rekordi i mëparshëm i tregut të transfertave dimërore. Në vitin 2018 klubet angleze shpenzuan 150 milionë paund, ndërsa totali në janar pothuajse dyfishon atë të dimrit 2018 (430 milionë paund). Për më tepër, shpenzimet nga klubet e ligave angleze përbënin 79% të totalit për pesë ligat e mëdha evropiane. Super League që askush nuk e dëshiron, në praktikë tashmë ekziston dhe quhet Premier League. Kampionati ku skuadrat e nivelit të ulët mund të përballojnë shpenzime që në kampionatet e tjera vetëm i ëndërrojmë.
Mbretëresha e merkatos ishte padyshim Chelsea. Enzo Fernandez është bërë nënshkrimi më i shtrenjtë në historinë e Premier League. Argjentinasi tejkaloi rekordin e mëparshëm të vendosur nga Manchester City me Jack Grealish (115 milionë euro). Mesfushori është gjithashtu goditja e 6 e transferimeve të të gjitha kohërave pas Neymar, Mbappé, Dembélé, Coutinho dhe Joao Felix.
LIGA, TEBAS: "KLUBET ANGLEZE EKONOMIKISHT ME DOPING"
"Lexojmë për 'forcën' e Premier League, por nuk është kështu. Është një kompeticion i bazuar në humbjet milionere të klubeve. Të ardhurat e zakonshme nuk mjaftojnë. Shumica e klubeve janë të injektuara ekonomikisht". Në një postim në Tëitter, presidenti i La Ligas, Javier Tebas, rikthehet të sulmojë kampionatin elitar anglez, protagonistin absolut në sesionin e transfertave dimërore.
